| e-texts navigator |
| Wylie |
254a1 ལས་སྐྱེས་ཤེས་བྱ།། མེ་ཡི་ཁམས་ནི་མ་ལས་སྐྱེས།། ཤ་དང་ཁྲག་དང་པགས་པ་ཡང་།། མ་ལས་སྐྱེས་པ་ཞེས་བཤད་དོ།། ཚིལ་དང་རྐང་དང་ཁུ་བ་ནི།། པ་ལས་སྐྱེས་ཞེས
254a2 བཤད་པ་ཡིན།། གོང་བུར་ཡང་དག་འདུས་པ་ནི།། དེ་དག་ཙམ་དུ་བཤད་པ་ཡིན།། གཟུགས་དང་ཚོར་བ་འདུ་ཤེས་དང་།། དེ་བཞིན་འདུ་བྱེད་རྣམ་ཤེས་རྣམས།། སངས་རྒྱས་དངོས་པོ་ལྔ་ཡི
254a3 གཟུགས།། ཕུང་པོར་ཞེས་བྱར་བཤད་པའོ།། ལྷ་མོ་བཞིས་ཡོངས་སུ་ཞུས་པ་ལས། ལྷ་མོན་བཟའ་དཀར་མོས་ཞུས་པ་སྟེ་ལེའུ་གསུམ་པའོ།། དེ་ནས་བཞད་པའི
254a4 ཞལ་གྱུར་ཏེ།། ལྷ་མོ་སྒྲོལ་མ་བཅོམ་ལྡན་མས།། རྡོ་རྗེ་སེམས་དཔའ་ལ་ཞུས་པ།། ཆོས་ཀྱི་དབྱིངས་ཀྱི་སྒྲུབ་པ་ནི།། གསུངས་ཤིག་རྡོ་རྗེ་ཅན་ཆེན་པོ།། རྫས་རྣམས་སྒྲུབ་པ་བཀའ་སྩལ་འཚལ།
254a5 དེ་བཞིན་རིག་པའི་སྔགས་རྣམས་ཀྱང་།། དཀྱིལ་འཁོར་རྣམས་ནི་བཏགས་པ་དང་།། སྦྱིན་སྲེག་སོ་སོར་བྱ་བ་དང་།། དེ་བཞིན་མཆོད་པའི་ཆོ་ག་ཡང་།། ཁྱད་པར་དུ་ཡང་བཀའ་སྩལ་འཚལ།། དེ།
254a6 ལྟར་ལྷ་མོས་ཞུས་མ་ཐག། རྡོ་རྗེ་སེམས་དཔས་བཀའ་སྩལ་པ།། ཆོས་ཀྱི་དབྱིངས་ཀྱི་སྒྲུབ་ཐབས་ནི།། ཉོན་ཅིག་ལྷ་མོ་བཤད་པར་བྱ།། གཟུགས་དང་སྒྲ་དང་དྲི་དང་ནི།། དེ་བཞིན་རོ་དང་རེག་ལ
254a7 སོགས།། ཁམས་བཅོ་བརྒྱད་པོ་དེ་དག་ཀྱང་།། ཆོས་ཀྱི་དབྱིངས་ཤེས་བྱ་བའོ།། དེ་དག་ཉིད་ལས་བྱུང་བ་ནི།། བྱང་ཆུབ་སེམས་ཞེས་ཤེས་པར་བྱ།། བྱང་ཆུབ་སེམས་ལས་གོང་བུ་སྟེ།། གོང་བུ
iiif viewer powered by OpenSeadragon
