| e-texts navigator |
| Wylie |
253b1 གསུངས་ཤིག་དེ་ཉིད་ཡིག་འབྲུའི་ཚིག། འདུས་པ་གསུངས་པ་ཇི་ལྟར་ལགས།། ཆུ་ཁམས་དང་ནི་མེ་ཡི་ཁམས།། ཇི་ལྟར་རོ་ན་མཉམ་པོར་འགྱུར།། མ་ལས་སྐྱེ་བ་གསུང་ཅ་དང་།། དེ་བཞིན་པ་ལས་སྐྱ་བ་གསུམ།། དེ་དག་དྲུག
253b2 སོགས་གོང་བུ་ལས།། ཇི་ལྟར་མི་རྣམས་སྐྱེ་བ་ལགས།། སངས་རྒྱས་གཟུགས་ནི་བདག་མི་འཚལ།། ཐུབ་པ་ཆེན་པོས་བཀའ་སྩལ་མཛོད།། རྡོ་རྗེ་ཅན་གྱིས་དཀའ་སྩལ་པ།། གསང་བ་ཤིན་ཏུ
253b3 གསང་གྱུར་པ།། ཉོན་ཅིག་ལྷ་མོ་བཤད་པར་བྱ།། སྐྱེ་གནས་དབུས་སུ་རྩ་གཉིས་ནི།། གཡོན་དང་དེ་བཞིན་གཡས་པ་སྟེ།། གཡོན་དུ་བྱང་ཆུབ་སེམས་ཤེས་བྱ།། གཡས་སུ་དེ་བཞིན་རཀྵའོ།།
253b4 དེ་གཉིས་ཕྲད་ནས་གཅིག་འགྱུར་བ།། ཆོས་ཀྱི་དབྱིངས་ནི་འདུས་པ་ཡིན།། མུན་པ་སྐུ་སྟེ་རྡུལ་གསུང་གཟུགས།། ཐུགས་ཀྱི་རང་བཞིན་སྙིང་སྟོབས་ཏེ།། རྡུལ་ནི་རོཀྟ་བྱང་ཆུབ་སེམས།། མུན་པ་དེ
253b5 བཞིན་བསྐྱེད་པ་ཡིན།། རྡོ་རྗེ་པདྨ་མཉམ་སྦྱར་ནས།། རང་བཞིན་མཉམ་པའི་རོར་འགྱུར་རོ།། དྲི་ཆེན་ཆུ་དང་ཤེལ་མེ་ཏོག། དེ་བཞིན་ལྔ་པ་བྱང་ཆུབ་སེམས།། བདུད་རྩི་ལྔ་དངོས་གོང་བུར་བསྡུས།
253b6 དེ་ལས་རྡོ་རྗེར་འདིར་གསུངས་སོ།། ཆ་ཤས་གཉིས་པ་དང་ལྡན་པ།། དེ་བཞིན་དགུ་པ་དག་ཡིན་ནོ།། དེ་སྐད་གསུངས་པ་བཅུ་དང་ནི།། དེ་བཞིན་ལྔ་པའི་ས་བོན་ཏེ།། ཆ་ཤས་གཉིས་པ་ལྔ་ཡི་ནི།། དྲུག་གིས
253b7 བཏགས་པ་དེས་བྱུང་བ།། དེ་ནི་ཐིག་ལེར་གསུངས་པའོ།། ཆོས་ཀྱི་དབྱིངས་ཀྱི་ཡི་གེ་བྲུཾ།། སྐྱེ་གནས་པདྨ་ལ་གནས་པ།། དེ་ཉིད་ས་བོན་སྭཱ་ཧཱ་མཐའ།། འདུས་པ་ལ་ནི་ཤེས་པར་བྱ།། ཆུ་ཁམས་པ
iiif viewer powered by OpenSeadragon
