| e-texts navigator |
| Wylie |
253a1 བཞིན་ཉིད་ཤེས་པ།། དམ་པའི་ཡིག་འབྲུ་ཤེས་པ་གང་།། དེས་ནི་གསང་ཆེན་ཤེས་པ་སྟེ།། གང་དེ་བདག་ཉིད་ཀུན་གནས་པ།། ཁ་དོག་མེད་ཅིང་ཁ་དོག་དམར།། ཁ་དོག།
253a2 དཀར་དང་སེར་བ་ཡི།། ཐིག་ལེའི་གཟུགས་སུ་བསྒྱུར་བ་འདིས།། འགྲོ་དང་ཕྱིར་འོང་རྣམ་པར་བསྟན།། གང་དེ་རིག་པ་རྫུ་འཕྲུལ་ཆེ།། མཐའ་ཡས་བཅས་པ་སྣ་ཚོགས་གཟུགས།། སྐྱེ་དང་བསྡུས
253a3 ང་འཇིགས་པ་ལ།། ཐིག་ལེའི་གཟུགས་སུ་རབ་གནས་སོ།། གང་གིས་བརྒྱད་ཁྲི་རྩ་བཞིའི་ཆོས།། སྟོང་ཕྲག་བརྒྱ་རུ་ཤེས་ན་ཡང་།། དེ་ཡིས་དེ་ཉིད་མི་ཤེས་ཏེ།། དེ་དག་ཀུན་ཀྱང་འབྲས་མེད་དོ།།
253a4 བཅུ་གཉིས་ལྔ་ཡི་ལྔ་པ་ཡང་།། བརྒྱད་ཀྱི་མཐའ་རུ་འབྱུང་བ་འདུས།། སྒྲ་ཡིག་དང་པོ་ཡི་གེ་ཨ།། ལྔ་པ་ཡིས་ནི་ཡང་དག་བརྒྱན།། སྙིང་རྗེ་ཆེན་པོ་ལས་བྱུང་བ།། ཁ་མར་བལྟས་པའི་དྲུག་པས།
253a5 བཏགས།། གདོད་མ་མཐའ་མ་མེད་པའི་ལྷ།། དེ་ནི་སྤྱི་བོར་བསྟན་པ་ཡིན།། དེ་དག་གསང་ཆེན་དམ་པ་ཡིན།། ལྷ་མོ་བདག་གིས་རབ་བསྟན་ནོ།། ལྷ་མོ་བཞིས་ཡོངས་སུ་ཞུས་པ་ལས། ལྷ་མོ་མཱ་མ
253a6 ཀཱིས་ཞུས་པ་སྟེ་ལེའུ་གཉིས་པའོ།། ། དེ་ནས་ལྷ་མོ་གོས་དཀར་མོས།། ཡན་ལག་ཀུན་གྱིས་བཏུད་ནས་སུ།། ཐལ་མོ་སྙིང་ཁར་སྦྱར་བྱས་ཏེ།། རྡོ་རྗེ་སེམས་དཔའ་ལ་གསོལ་པ།
253a7 ཆོས་ཀྱི་དབྱིངས་ཀྱི་བསྡུ་བ་དང་།། སྐུ་གསུང་ཐུགས་ཀྱི་རྡོ་རྗེ་ཡི།། རང་བཞིན་ཉིད་ནི་ཇི་ལྟར་ལགས།། ལྷ་ཡི་དབང་ཕྱུག་ཁྱོད་ལ་ཞུ།། གང་གིས་འོད་ཀྱི་གོང་བུར་བསྡུ།། རྡོ་རྗེ་སེམས་དཔའ་ཇི་ལྟར་ལག།
iiif viewer powered by OpenSeadragon
