| e-texts navigator |
| Wylie |
251b1 མིན།། དེ་བཞིན་དཔྱད་མཁན་གྱིས་ཤེས་དཀའ།། སངས་རྒྱས་ཀུན་གྱི་གསང་ཆེན་ནི།། ནམ་མཁའི་སྤྱོད་ཡུལ་ལོ།། མི་ཤེས་མུན་པས་བསྒྲིབས་པས་ན།། ཉན་ཐོས་རྣམས་ཀྱིས་ཤེས་པ་མིན།།
251b2 སྤྱོད་ཡུལ་བག་ཆགས་ཤེས་མཁན་ནི།། རང་སངས་རྒྱས་སུ་སྤྲུལ་པ་སྟེ།། དེ་དག་ཀུན་གྱིས་ཀྱང་མི་ཤེས།། ཤེས་མེད་སོ་སོའི་སྐྱེ་གནས་དང་།། མ་འོངས་པ་དང་འདས་པ་དང་།། ད་ལྟར་བྱུང
251b3 བའི་དུས་གསུམ་ལ།། བྱོལ་སོང་བག་ཆགས་ལས་བྱུང་བའི།། དུད་འགྲོ་ཡི་དགས་སྐྱེ་བ་རྣམས།། དེ་ཀུན་གྱིས་ཀྱང་མི་ཤེས་ཏེ།། སངས་རྒྱས་སྒྲོལ་ཡུལ་གསང་ཆེན་ནོ།། སྙིང་པོ་ཤིན་ཏུ་སྙིང
251b4 པོའི་མཆོག། གང་དེ་ཀུན་བདག་ལ་གནས་པའི།། སངས་རྒྱས་ཀུན་གྱི་གསང་ཆེན་ནི།། ལྷ་མོ་ཁྱོད་ལ་བཤད་པར་བྱ།། བྱང་ཆུབ་སེམས་དག་འོད་གསལ་བ།། ཟླ་བ་ཤེལ་དང་མཉམ་པའི
251b5 འོད་། དེ་ཉིད་ཡེ་ཤེས་ལྔ་ཡི་དངོས།། ཡུངས་ཀར་ཆེ་བའི་ཚད་ཙམ་མོ།། དེ་ཡི་དབུས་སུ་བཞུགས་པའི་ལྷ།། མི་གསལ་གསལ་བའི་གཟུགས་ཅན་ཏེ།། ཕྱེད་ཚད་ཙམ་གྱི་ཕྲ་མོའི་མཆོག། ཡིད
251b6 ཀྱི་དངོས་པོའི་ཐིག་ལེའི་གཟུགས།། རྟག་ཏུ་སྙིང་གི་དབུས་གནས་པ།། འོད་ཟེར་ཆེན་པོ་འབར་བ་ཅན།། ཇི་སྙེད་དགུ་པའི་བར་དུ་ནི།། དཔྲལ་བ་ལ་གནས་རྐང་མཐིལ་བར།། ཐིག་ལེ་དེ་ཁོ་ནར
251b7 བསྡུ་སྟེ།། ལྟེ་བའི་དབུས་སུ་རྣམ་པར་གནས།། ཆ་ཤས་ལྔ་པ་ཅན་ཡིན་ཏེ།། བཅུ་གཉིས་ཀྱི་ནི་ཐ་མ་ལ།། ཆ་ཤས་དྲུག་གིས་མཚན་པ་ཉིད།། ང་རོ་ཐིག་ལས་བརྒྱན་བྱེད་པ།། རྡོ་རྗེ་ཁོང་ནས
iiif viewer powered by OpenSeadragon
