| e-texts navigator |
| Wylie |
251a1 ཤིན་ཏུ་དགའ་བའི་སྦྱོར་ཆེན་ལ།། རྡོ་རྗེ་སེམས་དཔའ་ཆེར་བཞུགས་སོ།། འོད་ཟེར་འཆང་ཞིང་འཁྲིགས་པ་ཡི།། གསང་ཆེན་ཆོས་ཀྱི་འབྱུང་གནས་ལ།། བྱང་ཆུབ་སེམས་ནི་འཕྲོས
251a2 ནས་སུ།། ཆོས་ཀྱི་དབྱིངས་གནས་ཞུ་མཛད་དོ།། ཞུ་བའི་དངོས་པོ་དེ་མཐོང་ནས།། ལྷ་མོ་སྤྱན་མས་ཡོངས་ཞུས་པ།། བཅོམ་ལྡན་རྡོ་རྗེ་སེམས་དཔའ་ལ།། ཚིག་འདི་དག་ནི་གསོལ་བ་སྟེ།། ཆོས་ཀྱི
251a3 དབྱིངས་རྣམས་འཕྲོ་བ་ནི།། གང་ལས་སྐྱེ་བར་འགྱུར་བ་ལགས།། དང་པོ་ཇི་ལྟར་འོང་བ་ཡིན།། དེ་བཞིན་ཕྱིར་འགྲོ་ཇི་ལྟར་ལགས།། ཡན་ལག་མེད་པ་གང་དེ་ནི།། ཡན་ལག་དང་བཅས་འགྱུར
251a4 ནས་སུ།། ལུས་དངོས་འགྱུར་བ་ཇི་ལྟར་ལགས།། མིག་དང་རྣ་བ་སྣ་དང་ནི།། དེ་བཞིན་ལྕེ་དང་ལུས་དང་ཡིད།། དབང་པོ་ཕུང་པོའི་དངོས་རྣམས་དང་།། ཁམས་རྣམས་སུ་ནི་འཇུག་པ་ཡང་།།
251a5 མ་རིག་བག་ཆགས་སྲེད་པ་ཡིས།། བཅིངས་པའི་ཉོན་མོངས་འདོད་ཆགས་སོགས།། རྣམ་པར་ཤེས་པ་སྣ་ཚོགས་པ།། ཇི་ལྟར་དངོས་སུ་འདུས་པ་ལགས།། དངོས་པོ་མེད་པ་སྒོམ་པ
251a6 གཟུགས།། གཟུགས་སོགས་སྤྱོད་ཡུལ་མཚན་ཉིད་རྣམས།། རང་བཞིན་མེད་ཅིང་དམིགས་མེད་ལ།། དམིགས་པ་དང་བཅས་ཇི་ལྟར་ལགས།། དེ་དག་ངོ་མཚར་ཆེན་པོ་ནི།། བདག་གི་ཐེ་ཚོམ
251a7 ལྷས་བཀའ་སྩོལ།། དེ་ལྟར་ཞུས་མ་ཐག་ཏུ་ནི།། བཅོམ་ལྡན་རྡོ་རྗེ་སེམས་དཔས་གསུངས།། ཤེས་རབ་ཟབ་པ་ཟད་མེད་ནི།། ཉོན་ཅིག་སྤྱན་མ་བཤད་པར་བྱ།། དཔྱད་དུ་མེད་ཅིང་ཤེས་བྱ
iiif viewer powered by OpenSeadragon
