| e-texts navigator |
| Wylie |
250a1 དེ་ལས་ལས་དང་དེ་ལས་སྐྱེས།། དེ་ལས་ཆགས་སོགས་བག་ཆགས་དང་།། དེ་ལས་སླར་ཡང་འཆི་དང་སྐྱེ།། དེ་ལྟར་འཁོར་ལོ་བསྐོར་བ་འདྲ།། སྔོན་བཞིན་རྡོ་རྗེ་བཟླས་ལ
250a2 སོགས།། རིམ་གྱིས་དེ་ཡི་དབྱེ་བར་འགྱུར།། དེ་ནས་སེམས་དཔའ་ཆེན་པོ་ཀུན།། དེ་ཉིད་མིག་སྨན་ཐུར་མ་ཡིས།། ཐམས་ཅད་འཁྲུལ་པའི་ལོང་བ་བསལ།། ཡང་དག་དངོས་པོ་ཉིད་ནི་མཐོང་།། དེ་ནས།
250a3 ཡང་ཡང་ཕྱག་བྱས་ཏེ།། མཆི་བཅས་མིག་གིས་བཅོམ་ལྡན་ལ།། ལན་གསུམ་དུ་ནི་བསྐོར་བྱས་ནས།། རྡོ་རྗེ་འཆང་ལ་ཡང་དག་བསྟོད།། ཨེ་མ་ཧོ་ཀུན་འགྲོ་ཀུན་དབང་ཕྱུག། ནམ་མཁའ་དང་ནི་མཚུངས།
250a4 པ་བརྙེས།། ཨེ་མའོ་དམ་ཚིག་དེ་ཉིད་གསུམ།། མཆོག་ཏུ་རྨད་བྱུང་སྟོན་པར་མཛད།། ཁམས་གསུམ་ལས་ནི་རྣམ་པར་གྲོལ།། ཆོས་ཀྱི་དབྱིངས་ཀྱི་ངོ་བོ་ཉིད།། འདོད་པ་རྣམས་ཀྱིས་མ་གོས་པ།། དམིགས
250a5 མེད་ཁྱོད་ལ་ཕྱག་འཚལ་ལོ།། ཕུང་པོ་རྣམས་དང་ཁམས་རྣམས་དང་།། སྐྱེ་མཆེད་རྣམས་ལ་མི་རྟེན་ཅིང་།། སྲིད་དང་མྱ་ངན་འདས་ལས་གྲོལ།། དམིགས་མེད་ཁྱོད་ལ་ཕྱག་འཚལ་བསྟོད།། དེ་ལྟར་ནམ
250a6 མཁའ་གནས་མེད་ཅིང་།། སྤྲོས་པ་མེད་ཅིང་གོས་པ་མེད།། མཁའ་དང་མཉམ་པའི་ཐུགས་མངའ་བ།། དམིགས་མེད་ཁྱོད་ལ་ཕྱག་འཚལ་བསྟོད།། དེ་ནས་བཅོམ་ལྡན་འདས་ཀྱི་སྤུ།། འཇིག་རྟེན་གསུམ
250a7 འདི་རྣམ་པར་གཡོས།། བདུད་རྣམས་བཅོམ་པར་མཛད་ནས་ནི།། འཇིག་རྟེན་གསུམ་གནས་ལྷ་ལས་རྒྱལ།། ཁྲོ་བོ་བཅུ་ནི་ཀུན་ནས་ནི།། འཇིག་རྟེན་གསུམ་རྒྱལ་གཙོ་བོ་ཡིས།། འདི་ལྟར་བཀའ་ནི་བསྒོ
iiif viewer powered by OpenSeadragon
