| e-texts navigator |
| Wylie |
249b1 ནོས་ཁྱབ་བྱེད་ཡན་ལག་ཀུན་ལ་གནས།། རྣམ་སྣང་མཛད་ཀྱིས་བྱིན་གྱིས་བརླབས།། དབང་པོའི་སྒོ་ཡི་རྒྱུན་ལས་ནི།། སྲོག་དང་རྩོལ་བརྫུན་འདི་དང་།། དུས་ཀུན་ཏུ་ནི་རྒྱུ་བ་ནི།། སྲོག་ཅེས་བྱ་བ་མིན
249b2 པར་བཤད།། སྲོག་དང་རླུང་དང་ཕྱི་ས་དང་།། དེ་བཞིན་དུ་ནི་ཁུ་བ་སོགས།། འོག་འདྲེན་འདི་ནི་ཐུར་སེལ་རླུང་།། རྟག་ཏུ་རྣལ་འབྱོར་པས་ཤེས་བྱ།། རྒོད་དང་ཟ་དང་བལྡག་པ་དང་།། ཀུན་ཏུ་འཐུང་དང
249b3 འཇིབ་པ་དང་།། གང་ཞིག་རྟག་ཏུ་མཉམ་གནས་དང་།། མཉམ་དུ་གནས་པ་ཞེས་བྱར་བརྗོད།། གྱེན་དུ་འགྲོ་ཞིང་སྡུད་པ་དང་།། བཟའ་དང་མང་བ་ལ་སོགས་པ།། ཤེས་དང་ལྷན་ཅིག་འབྱོར་པ་དག
249b4 གྱེན་རྒྱུའི་ལས་སུ་ཤེས་པར་བྱ།། ཁྱབ་དང་འཛིན་པ་ཉིད་དང་ནི།། དེ་བཞིན་འགྲོ་དང་ལྡོག་པ་སོགས།། ཚིགས་ཀུན་ཏུ་ནི་ཁྱབ་པའི་ཕྱིར།། ཁྱབ་བྱེད་ཅེས་ནི་བྱ་བར་བཤད།། རླུང་གི་མཚན་ཉིད་བཤད
249b5 པ་ནི།། དེ་ནས་དེ་ཡི་འཇིགས་པར་བརྗོད།། སྔ་མ་བཞིན་དུ་བཏང་བཟུང་སོགས།། ཕན་ཚུན་དུ་ནི་གནོད་པར་བྱེད།། གཞན་ནི་གཞན་ལ་འཚེ་བ་ཡིན།། སྟོབས་ནི་ཐོབ་པའི་རང་བཞིན་གྱིས།། གཅིག་ནི་གཅིག་ལ
249b6 ཐིམ་པར་འགྲོ།། ཇི་ལྟར་ཟླ་བ་གཟས་བཟུང་ལ།། རླུང་རྣམས་རིམ་གྱིས་ཉམས་འགྱུར་བ།། སྔ་མ་བཞིན་དུ་གོང་ནས་གོང་།། རང་གི་བདག་ཉིད་ལ་ཐིམ་པར།། བཏང་བཟུང་སླར་ཡང་འགྲོ་བར་བྱེད།། ཇི་ལྟར
249b7 མེས་བསྲེགས་དངོས་མེད་དང་།། རྒྱུ་མེད་པར་ནི་ཐིམ་པར་འགྲོ།། སླར་ཡང་སྲོག་གི་རླུང་ཤར་བ།། ལས་ཀྱི་རླུང་ནི་སྣ་ཚོགས་པ།། དེ་ནི་ལྷན་ཅིག་རྣམ་ཤེས་དང་།། སླར་ཡང་འཇིག་རྟེན་གསུམ་དུ་གནས།།
iiif viewer powered by OpenSeadragon
