| e-texts navigator |
| Wylie |
249a1 དག་པས།། དེ་ལ་གནས་ཀྱི་དབྱེ་བ་ནི།། མདོར་བསྡུས་ནས་ནི་བཤད་པར་བྱ།། པུ་ལཱི་ར་ནི་མགོ་བོར་ཤེས།། སྤྱི་གཙུག་ཛ་ལན་དྷ་ར་དང་།། རྣ་བ་གཡས་པ་ཨོཾ་རྱན་དང་།། སྤྱི་བོའི
249a2 རྒྱ་བ་ནི་ཨརྦུ་ད།། གོ་དཱ་བ་རི་རྣ་བ་གཡོན།། རཱ་མེ་ཤྭ་ནི་སྨིན་མའི་དབུས།། མིག་གཉིས་དེ་བི་ཀོ་ཊ་དང་།། མཱ་ལ་ཝ་ནི་དཔུང་པའི་རྩ།། ཀཱ་མ་རུ་པ་མཆན་ཁུང་གཉིས།། ཨོ་ཏྲེ་ནུ་མ་གཉིས་སུ་གྲགས།
249a3 ཀོ་ས་ལ་ནི་ལྟེ་བར་ཤེས།། ཏྲི་ས་ཀུ་ནེ་རྣ་བའི་རྩ།། ཁ་ཡེ་པདྨ་ཀ་ལིང་ཀ། མགྲིན་པ་ལཾ་པ་ཀར་ནི་བརྗོད།། སྙིང་ནི་ཀཱན་ཅིར་ཤེས་པར་བྱ།། ཧི་མ་ལ་ཡ་མདོམས་སུ་ཤེས།། མཚན་མ་གྲྀ་ཧ་དེ་བ་དང་།
249a4 པྲེ་ཏ་པུ་རི་བཤང་བའི་ལམ།། བརླ་གཉིས་སུ་ཝཎྜ་དཱི་བ།། སཽ་རཥྚ་ནི་བྱིན་པ་གཉིས།། རྐང་པའི་བོལ་ནི་སིན་དུའི་ཡུལ།། སོར་མོ་རྣམས་ལ་ན་ག་ར།། མཐེ་བོང་གཉིས་ནི་མ་རུར་ཤེས།། ཀུ་ལུ་ཏཱ་ནི་རྐང
249a5 པའི་མཐིལ།། དེ་ལྟར་གནས་ཀྱི་རྣམ་དག་དང་།། ས་བཅུ་རྣམ་པར་དག་པ་ཉིད།། དེ་ཉིད་དང་ལྡན་ཤེས་པར་བྱ།། ཐིམ་དང་ལོངས་སྤྱོད་བདག་པོ་ཉིད།། འཇུག་པ་ལ་སོགས་བྱེ་བྲག་གིས།། རིམ་གྱིས།
249a6 རྡོ་རྗེ་སེམས་དཔའ་ཉིད།། དེ་ནས་གཞན་ཡང་རབ་བཤད་པ།། རླུང་རྣམས་ཀྱི་ནི་མཚན་ཉིད་མཆོག། སྲོག་གི་རླུང་ནི་སྙིང་ཁར་གནས།། མི་བསྐྱོད་བྱེ་བྲག་རིགས་ལས་སྐྱེས།། མདོམས་ན་གནས་པའི
249a7 ཐུར་སེལ་ནི།། རིན་ཆེན་འབྱུང་ལྡན་བྱེ་བྲག་སྐྱེས།། སྟོང་དུ་རྒྱུས་པ་ལྐོག་མཐར་གནས།། འོད་དཔག་མེད་པའི་རང་བཞིན་ནོ།། མེ་དང་མཉམ་གནས་ལྟེ་བར་གནས།། དོན་ཡོད་གྲུབ་པའི་རང་བཞིན
iiif viewer powered by OpenSeadragon
