| e-texts navigator |
| Wylie |
248b1 ཤིན་ཏུ་རྣམ་དག་ཆོས་ཀྱི་དབྱིངས།། མི་བསྐྱོད་པ་ཡི་རིགས་ལས་བྱུང་།། མངོན་པར་བྱང་ཆུབ་རྣམ་པ་ལྔ།། གཞལ་ཡས་ཁང་ན་འདི་དག་བཞུགས།། དེ་ཉིད་ཁམས་ཀྱི་དབྱེ་བ་ཡིས།། རིམ་པ་ཇི
248b2 བཞིན་བཤད་པར་བྱ།། སྐྲ་རུས་ཕྱི་ས་མཆིལ་མ་སྙིང་།། སོ་ནི་རྣམ་སྣང་བདག་ཉིད་དོ།། སྤུ་དང་གནས་དང་ཉེ་བའི་སྙིང་།། སེན་མོ་ཆུ་ཡི་ཁམས་སུ་ཤེས།། རིན་ཆེན་འབྱུང་ལྡན་བདག་ཉིད་ཀྱི
248b3 རིགས་ཀྱི་རྟེན་དུ་ཤེས་པར་བྱ།། སོ་དང་པགས་པ་ཤ་དང་སྙིང་།། མེ་ཡི་ཁམས་ཤེས་བྱ་བར་བརྗོད།། འོད་དཔག་མེད་ཀྱི་རང་བཞིན་དང་།། རིགས་ཀྱི་དབྱེ་བར་ཤེས་པར་བྱ།། རྒྱུས་པ་ཤ་དང་རྩིབས
248b4 ལོགས་སྙིང་།། རླུང་ནི་དོན་ཡོད་གྲུབ་པའོ།། དྲི་མ་རྒྱུས་པ་མཁྲིས་པ་སྙིང་།། དེ་ནི་ནམ་མཁའི་ཁམས་སུ་གྲགས།། མི་བསྐྱོད་པ་ཡི་རང་བཞིན་དང་།། སྙིང་ནི་རྣམ་ཤེས་ལྔ་ཞེས་བྱ།། རེ་རེ་ལ
248b5 ཡང་སོ་སོར་ནི།། རྣམ་པ་ལྔ་ནི་སྤྲོ་བ་ཤེས།། དེ་བཞིན་གཤེགས་པའི་ཕུང་པོ་ལྔ།། ནང་གི་བདག་ཉིས་རྫས་ཕྱེ་བ།། ཤ་རྩ་རྒྱུས་པ་ཤ་ཁམ་ཚད།། ཀླད་པ་དང་ནི་ཀླད་རྒྱས་དང་།། རུས་པ་རྐང
248b6 དང་གཉེ་མ་དང་།། མཁལ་མ་སྙིང་དང་ལྟོ་བ་དང་།། གློ་བ་མཆེར་བ་གཅིན་དང་ནི།། བཤང་བ་པོ་བ་ལོང་ཀ་དང་།། ཞག་དང་ཆུ་སེར་རྣག་དང་ནི།། ཁྲག་དང་མཁྲིས་པ་བད་ཀན་དང་།། ངར
248b7 སྣབས་སྐྲ་དང་ཁ་སྤུ་དང་།། སེན་མོ་སྤུ་དང་པགས་པ་དང་།། ལག་པ་རྐང་མིག་ཡན་ལག་སོགས།། འཚོགས་མ་དཔུང་པ་ཞེས་ནི་བརྗོད།། དེ་དག་རིམ་པར་ཤེས་པར་བྱ།། གཞལ་ཡས་ཁང་ནི་རྣམ
iiif viewer powered by OpenSeadragon
