| e-texts navigator |
| Wylie |
247b1 གྱིས་ཡང་དག་བརྟེན།། ཟུར་བཞི་པ་ནི་མདུན་རྒྱབ་དང་།། གཡས་དང་གཡོན་གྱི་དབྱེ་བས་སོ།། སྟེང་འོག་སྒོ་ཡི་དབྱེ་བ་ཡིས།། སྒོ་བཞི་ཞེས་ནི་བཤད་པ་ཡིན།། སྣ་རྩེ་བཞི་ཡི་དབྱིགས་ཀྱིས་ནི།།
247b2 དབས་བཞི་ནི་བརྗོད་པར་བྱ།། དྲ་བ་རྒྱུ་མར་ཡང་དག་བཤད།། རྒྱུས་པར་གྱུར་པ་དྲ་བ་བྱེད།། ཆ་ནི་ཟླ་བ་ཕྱེད་པ་དང་།། བུམ་པ་ལྟོ་བར་ཡང་དག་ཤེས།། རྗེ་ངར་བརླ་དཔུང་ལག་དར་ནི།། ཀ་བ་བརྒྱད་དུ་ཡང་།
247b3 དག་བཤད།། མིག་གི་རྣམ་ཤེས་མེ་ལོང་སོགས།། སྒྲ་ཡི་རྣམ་ཤེས་རོལ་མོ་དང་།། སྣ་ཡི་རྣམ་ཤེས་མེ་ཏོག་འཕྲེང་།། རིན་ཆེན་པ་གུ་ལྕེ་རྣམས་ཤེས།། ལུས་ཀྱི་རྣམ་ཤེས་རས་འཕན་དང་།། ཡིད་ཀྱི་རྣམ
247b4 ཤེས་རི་དགས་སོ།། མིག་ནི་འཁོར་ལོའི་མཚན་མ་དང་།། རྣ་བ་ཀུན་ནས་རྡོ་རྗེ་རྣམས།། སྣ་ནི་བ་དན་དུ་ནི་བཤད།། ལྕེ་ནི་དྲིལ་བུ་རུ་ནི་གསུངས།། རྔ་ཡབ་ལ་སོགས་རྣམ་དག་པ།། ལུས་ཀྱི་ཚོ་ག
247b5 ཞེས་བྱ་བར་བཤད།། ཡིད་ནི་དབུས་ཀྱི་པདྨར་གསུངས།། རྣམ་རྟོག་རླུང་ནི་ཡང་དག་བརྟན།། ཡེ་ཤེས་ལྔ་ནི་རྣམ་དག་པ།། རེ་ཁཱ་ལྔར་ནི་ཡང་དག་བརྗོད།། ཕུང་པོ་ལྔ་ནི་རྣམ་དག་ལྔ།། རྣམ
247b6 ངག་ཁ་དོག་ལྔ་ནི་དབྱེ།། དེ་དག་གཞལ་ཡས་ཁང་དུ་སྒོམ།། དང་པོར་སྦྱོར་བར་ཤེས་པར་བྱ།། མངོན་པར་བྱང་ཆུབ་རྣམ་པ་ལྔ།། རིགས་ཀྱི་དབྱེ་བ་རང་ངོ་བོ།། དེ་ཉིད་ཕྱི་རོལ་གནས་པར་བརྗོད།།
247b7 དཀྱིལ་འཁོར་རྣམ་པར་དག་པའོ།། ཁམས་བཞིའི་རང་བཞིན་བདག་ཉིད་ནི།། གཟུགས་ཀྱི་ཕུང་པོ་མདོར་བསྡུས་ན།། གཟུགས་ཀྱི་ཕུང་པོ་རྣམས་དང་ནི།། མིག་གི་རྣམ་ཤེས་ས་སྙིང་པོ།། ཕྱི་རོལ
iiif viewer powered by OpenSeadragon
