| e-texts navigator |
| Wylie |
247a1 བྱེད་པ་ནི།། རྒས་པ་མེད་པར་ཐེ་ཙོམ་མེད།། ཧཱུཾ་ཧོ་རིམ་བཞིན་ཤེས་པ་ནི།། འཛིན་པ་སྟེང་དུ་རྣམ་པར་སྤེལ།། སྔར་བཤད་པ་ཡི་བདུད་རྩི་ལྔ།། འདི་ནི་བཅུད་ཀྱིས་ལེན་དུ་བརྗོད།
247a2 འདི་ཉིད་ཀྱིས་ནི་གྲུབ་པར་བྱེད།། ལྕགས་ཀྱི་གསེར་འགྱུར་བྱས་ནས་ནི།། རྡོ་རྗེ་ཕྱག་རྒྱ་དངོས་གྲུབ་ཆེ།། ཟུང་དུ་འཇུག་པས་ཐོབ་པར་འགྱུར།། བསྐྱེད་པའི་རིམ་པའི་སྦྱོར་བ་དང་།། དེ་བཞིན་རྫོགས་པའི་རིམ
247a3 པ་ཡང་།། གང་ལ་དེ་གཉིས་གཅིག་འགྱུར་བ།། དེ་ནི་ཟུང་དུ་འཇུག་པར་བཤད།། འཁོར་བ་དང་ནི་མྱ་ངན་འདས།། རྟོག་པ་གཉིས་པོ་སྤངས་པས་ནི།། གང་དུ་དངོས་པོ་གཅིག་འགྱུར་བ།། ཟུང་དུ་འཇུག
247a4 ཅེས་དེ་ལ་བཤད།། ཀུན་རྫོབ་དང་ནི་དོན་དམ་དག། རྟོག་པ་གཉིས་དང་རྣམ་པར་བྲལ།། གང་དུ་ཡང་དག་འདྲེས་གྱུར་པ།། དེ་ནི་ཟུང་དུ་འཇུག་པར་བཤད།། རྡོ་རྗེ་བཟླས་པའི་རབ་སྦྱོར་བས།། རླུང་གི
247a5 མཚན་ཉིད་ཤེས་ནས་ནི།། རྣམ་རྟོག་རླུང་རྣམས་རྣམ་པར་གཅོད།། སེམས་ལ་དམིགས་པ་ཐོབ་པར་འགྱུར།། བདག་ལ་བྱིན་རླབས་རིམ་པས་ཀྱང་།། དངོས་གྲུབ་བརྒྱད་ནི་ཐོབ་པར་འགྱུར།། སྣང་བ་ལ
247a6 སོགས་དབྱེ་བ་ཤེས།། མངོན་པར་བྱང་ཆུབ་རིམ་པ་ཐོབ།། ཟུང་འཇུག་རིམ་པ་ལ་གནས་པ།། དངོས་གྲུབ་ཐམས་ཅད་བསྡུས་པ་ནི།། ཚེ་འདི་ཉིད་ལ་འགྲུབ་པར་འགྱུར།། རྣལ་འབྱོར་པ་ཡིས་ཐེ་ཙོམ
247a7 མེད།། ཕྱག་རྒྱ་ཆེན་པོའི་དངོས་གྲུབ་ཆེར། གཟུང་དུ་འཇུག་པའི་ཏིང་འཛིན་གྱིས།། རྣམ་རྟོག་མེད་པར་ཞུགས་ནས་ནི།། ཐོབ་པ་འདི་ལ་ཐེ་ཙོམ་མེད།། ལུས་ནི་གཞལ་ལས་ཁང་དུ་འགྱུར།། སངས་རྒྱས་ཀུན
iiif viewer powered by OpenSeadragon
