| e-texts navigator |
| Wylie |
243b1 པ་སོགས།། ཡེ་ཤེས་ལྔ་ནི་རྣམ་དག་དང་།། སངས་རྒྱས་ལྔ་ནི་རང་བཞིན་ཉིད།། མངོན་པར་བྱང་ཆུབ་རྣམ་ལྔ་ཡི་ས།། སྣང་བ་གསུམ་གྱི་མཚན་ཉིད་དང་།། ཆོས་དང་ལོངས་སྤྱོད་སྤྲུལ་པ་དང་།། སྐུ་གསུམ་རྣམ
243b2 པར་སྒོམ་པ་དང་།། བདེ་ཆེན་ཡོན་ཏན་མཚན་ཉིད་ནི།། དགའ་བ་ལ་སོགས་དབྱེ་བ་དང་།། དེ་བཞིན་སྒེག་སོགས་ཉམས་དང་ནི།། རྣལ་འབྱོར་རྗེས་སུ་རྣལ་འབྱོར་དང་།། ཤིན་ཏུ་རྣལ་འབྱོར་རྣལ་འབྱོར་ཆེ།། དང
243b3 སྦྱོར་བ་མདོར་བསྡུས་པས།། དེ་བཞིན་དཀྱིལ་འཁོར་རྒྱལ་པོ་མཆོག། ལས་ཀྱི་རྒྱལ་པོ་རྣལ་འབྱོར་མཆོག། འཇུག་དང་གནས་དང་ལྡང་བ་ནི།། རྫོགས་པའི་རིམ་པའི་རྣལ་འབྱོར་དང་།། བདེ་གཉིས་དབུགས
243b4 འབྱུང་གཉིས་ལ་སོགས།། གང་ལ་རྒྱས་བཤད་དེ་ཉིད་རྒྱུད།། རྣལ་འབྱོར་ཆེན་པོའི་རྒྱུད་དུ་བརྗོད།། ཡོན་ཏན་ཇི་ལྟ་བུ་ཡི་རྒྱུད།། ཐོས་སོགས་ཡོན་ཏན་མཆོག་གི་ནི།། རྟེན་དང་སྣོད་ཅེས་བྱ་བར་གསུངས།།
243b5 མཚན་རྣམས་ཀུན་གྱིས་བརྒྱན་པ་དང་།། ཇི་ལྟར་སེང་གེའི་འོ་མ་ནི།། ས་མི་སྣོད་དུ་གཞག་མི་བྱ།། དེ་བཞིན་རྣལ་འབྱོར་ཆེན་པོའི་རྒྱུད།། སྣོད་མིན་དག་ལ་སྦྱིན་མི་བྱ།། སློབ་མ་སྐད་ཅིག་དེ་ལ་འཆི།། འདི་དང་ཕ་རོལ
243b6 ཏུ་ནི་ཕུང་།། སྣོད་མིན་མན་ངག་རབ་བ་ཤྭད་ན།། སློབ་དཔོན་དངོས་གྲུབ་ཉམས་པར་འགྱུར།། རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་འཕྲེང་བའི་མངོན་པར་རྟོགས་པ་ལས། སངས་རྒྱས་དང་། དམ་པའི་ཆོས་དང་།
243b7 དགེ་འདུན་ལ་སོགས་པའི་མཚན་ཉིད་ཀྱི་ཚིག་རྒྱས་པའི་ལེའུ་སྟེ་དྲུག་ཅུ་རྩ་ལྔ་པའོ།། ། དེ་ནས་བཅོམ་ལྡན་རྡོ་རྗེས་གསུངས།། སློབ་མའི་བྱ་བའི་སྤྱོད་པ་ནི།། ཞི་བ་ལ་སོགས་བྱ་བ
iiif viewer powered by OpenSeadragon
