| e-texts navigator |
| Wylie |
243a1 མཆོག་ཏུ་ལྡན།། ཉིན་དང་མཚན་དུ་སྒོམ་ལ་ཞེན།། ཤེས་རབ་ལྡན་ཞིང་བཟོད་ལ་མཁས།། བླ་མའི་སྤྱིར་ནི་ཡོན་ཏན་ཚོགས།། དཔལ་ལྡན་སློབ་དཔོན་ཞེས་ནི་བརྗོད།། ནང་གི་གསང་འདུས་ལ།
243a2 རབ་དགའ།། ཕྱི་རོལ་ཉན་ཐོས་ལ་སྤྱོད་པ།། དེ་ལྷའི་མན་ངག་རིམ་པ་ཡིས།། སློབ་མ་རྣམས་ལ་རྗེས་སུ་བསླབ།། དེ་ནི་སྟོན་པར་ཡོངས་སུ་གསུངས།། དེ་སྐད་སྨྲས་པ་དེ་བཞིན་བྱེད།། རྟོག་པ་རྣམས་དང་དཀྱིལ
243a3 འཁོར་ཚོགས།། དམ་པའི་དོན་གྱིས་བྱ་བ་དང་།། སླར་ཡང་སྣང་བ་གསུམ་དང་ནི།། རྣལ་འབྱོར་མཆོག་གི་སྤྱོད་པ་ལ།། སློབ་ཅིང་གཞན་ཡང་སློབ་ཏུ་འཇུག། དེ་ནི་སློབ་དཔོན་ཞེས་བྱའོ།། དེ་ཉིད་བཅུ་ནི
243a4 ཡོངས་ཤེས་ནས།། དཀྱིལ་འཁོར་ལ་སོགས་བྱ་བ་ཤེས།། སློབ་མ་རྗེས་སྡུད་ནུས་པ་དང་།། གསང་བའི་དབང་ནི་བསྐུར་བ་དང་།། ཤེས་རབ་ཇི་སྙེད་ཡང་དག་ལྡན།། རྒྱུད་ཀྱི་མན་ངག་ལ་མི་འཇིགས།
243a5 ཟབ་ཅིང་རྒྱ་ཆེན་ཡང་དག་ལྡན།། རྡོ་རྗེ་སེམས་དཔའ་གཉིས་པ་མཆོག། ཚར་གཅོད་པན་འདོགས་པ་ལ་མཁས།། དེ་ནི་རྡོ་རྗེ་འཆང་དུ་བཤད།། དད་ཅིང་བླ་མ་ལ་ཡང་གུས།། རྟག་ཏུ་དགེ་བའི་ལས་ལ
243a6 གནས།། གཉིས་མེད་རྒྱུ་ཡང་མེད་པ་དང་།། རྟོག་པ་ངན་པ་རྣམ་པར་སྤངས།། ལུང་ནི་མང་དུ་ཐོས་པ་དང་།། གསོད་པ་དང་ནི་འཚེ་བ་སྤངས།། སེམས་ཅན་རྣམས་ནི་འདོན་པའི་བློས།། ཀུན་ཏུ་བརྩོན་དང་ཡང་དག
243a7 ལྡན་འདེ་ལ་སོགས་པའི་ཡང་དག་ལྡན།། དད་པ་ཆེན་པོའི་སློབ་མ་བཟང་།། སྟོང་ཉིད་སྙིང་རྗེ་དབྱེར་མེད་པ།། གང་ལ་དེ་ཉིད་ངེས་ཤེས་བྱ།། གོང་ན་མེད་པའི་སྤྱོད་རབ་མཆོག། སྔགས་དང་རྣལ་འབྱོར་རིམ
iiif viewer powered by OpenSeadragon
