| e-texts navigator |
| Wylie |
242a1 མྱུར་དུ་འཐོབ།། ཁྱོད་ཀྱི་དགེ་བ་ཡོངས་སྦྱིན་པ།། དེ་བས་རྡོ་རྗེ་སློབ་དཔོན་གྱི།། ལུས་ལ་རྒྱལ་བ་ཐམས་ཅད་བཞུགས།། མཐོང་ན་དོན་ནི་ཡོད་པ་ཀྱེ།། ཕྱི་མའི་དུས་ན་སེམས་དཔའ་ཆེ།།
242a2 དེ་བས་སེམས་ཅན་ཐམས་ཅད་ཀྱིས།། ལྷ་ཡི་མཆོད་པའི་ཡོ་བྱད་ཀྱིས།། རབ་ཏུ་འབད་དེ་བླ་མ་བསྟན།། དེ་ནས་མཐོང་བ་དོན་ཡོད་བཅས།། བྱང་ཆུབ་སེམས་དཔའ་གྲགས་པ་ཆེ།། དགའ་ཞིང་མགུ
242a3 བས་ཕྱག་བྱས་ཏེ།། བཅོམ་ལྡན་འདས་ལ་མཆི་མ་བླགས།། གསུང་དང་ཐུགས་ཀྱི་དཀྱིལ་འཁོར་བཞུགས།། ལེགས་སོ་བྱ་བ་བྱིན་ནས་ནི།། བཅོམ་ལྡན་འདས་ཀྱིས་འདི་སྐད་གསུངས།། ཨ་ཨཱ
242a4 ཨི་ཨཱི་ཨུ་ཨཱུ་དང་།། རྀ་རཱྀ་ལྀ་ལཱྀ་ཨཻ་ཨཾ།། ཨོ་ཨཽ་ཨཾ་ཨཿདབྱངས་ཞེས་བྱ།། ཀ་ཙ་ཊ་ཏཱ་པ་སྡེ་ཚན།། ཡ་ར་ལ་ཝ་ཤ་ཥ་ས།། ཧ་དང་གསུང་གི་དཀྱིལ་འཁོར་ཤེས།། ངག་ཀུན་རབ་ཏུ་སྤྲོ་དང་ལྡན།། འདོད།
242a5 ཆགས་ལ་སོགས་བག་ཆགས་ཀྱང་།། གྲངས་ནི་ཉི་ཤུ་བརྒྱད་ཀྱིས་སོ།། ཐུགས་ཀྱི་དཀྱིལ་འཁོར་ལེགས་རྒྱས་པ།། དཔལ་མཆོག་ལས་ནི་ཤེས་པར་བྱ།། དེ་ལྟར་འདུས་པའི་རྣལ་འབྱོར་རྣམས།།
242a6 རྡོ་རྗེ་གསུམ་ནི་དམ་ཚིག་མཆོག། མཆོག་ཏུ་རྨད་བྱུང་རྒྱས་པ་ནི།། སྒྲུབ་པའི་དབང་པོས་ཡང་དག་ཤེས།། རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་འཕྲེང་བའི་མངོན་པར་རྟོགས་པ་ལས། སྐུ་གསུང
242a7 ཐུགས་ཀྱི་དཀྱིལ་འཁོར་བཤད་པའི་ལེའུ་སྟེ་དྲུག་ཅུ་རྩ་བཞི་པའོ།། ། དེ་ནས་བཅོམ་ལྡན་རྡོ་རྗེས་གསུངས།། སངས་རྒྱས་དམ་ཆོས་དགེ་འདུན་དང་།། བླ་མ་སྟོན་པ་སློངབ་དཔོན
iiif viewer powered by OpenSeadragon
