| e-texts navigator |
| Wylie |
239b1 རྒྱ་སྟོན།། མི་བསྐྱོད་རིགས་ལས་བྱུང་བར་ཤེས།། མཚན་མོའི་ས་ནས་འགྲོ་བའི་མཆོག། ཐུང་ངུ་ལྷོ་སྦོམ་ཁ་དོག་དཀར།། བྱིན་པ་སྦོམ་ཞིང་ཤིན་ཏུ་མཛེས།། ས་སྤྱོད་མར་ནི་ཤེས་པར་བྱ།། དུང་གི་ཕྱག་རྒྱ་ལན་ཡིན་ནོ།།
239b2 རྣམ་པར་སྣང་མཛད་རིགས་ལས་བྱུང་།། མིག་ཡངས་རྫི་མ་སྡུག་པ་དང་།། ཡན་ལག་ཀུན་ལ་བསྡུས་བརྒྱན།། སྔོ་བསངས་མིག་ནི་དམར་བ་དང་།། ཡན་ལག་ཕྲ་ཞིང་དཔུང་པ་རིང་།། དེ་ནི་མཁའ་འགྲོ་མ་རུ་གྲགས།། དོན།
239b3 ཡོད་གྲུབ་པའི་རིགས་ལས་བྱུང་།། དེ་འདྲ་བ་ཡིས་རབ་མཐོང་ནས།། བ་དན་གྱི་ནི་ཕྱག་རྒྱ་དང་།། གཡོན་པའི་ཕྱག་རྒྱའི་ལན་ཡིན་ནོ།། དེ་ལྟར་འབད་པས་ཤེས་ནས་ནི།། མཁས་པས་མཚན་མོ་སོང་ནས་ནི།། དེ་ལ་ཅུང
239b4 ཞིག་འཇིགས་མི་བྱ།། གང་ཕྱིར་དེ་ཉིད་གང་མཆོད་བྱ།། རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་འཕྲེང་བའི་མངོན་པར་རྟོགས་པ་ལས། ཚོགས་ཀྱི་འཁོར་ལོའི་ཆོ་ག་དང་རྣལ་འབྱོར་མ་དང་འདྲེ་བའི་ལེའུ་སྟེ་དྲུག
239b5 ཅུ་རྩ་གཉིས་པའོ།། ། དེ་ནས་གཞན་ཡང་བཤད་ཀྱིས་ཉོན།། གསང་བའི་ཚིག་གི་བཤད་པ་དང་།། རྡོ་རྗེའི་གནས་སོགས་གནས་རྣམས་སུ།། རིགས་ཀུན་ལས་བྱུང་རྣལ་འབྱོར་མ།
239b6 མཚན་མོ་འདུ་བའི་དམ་ཚིག་ནི།། འདི་འདྲ་བ་ཡི་ཚིག་རྣམས་དང་།། དེ་ལྟ་བུ་ཡི་གསང་བ་ནི།། བཤད་ཀྱིས་དང་བའི་སེམས་ཀྱིས་ཉོན།། སཾ་པོ་ཏ་ཀཾ་ཆང་འཐུང་བ།། བི་ར་ཤ་རུ་མངོན་པར་བརྗོད།། ན་ལི་ནི་པ་ཏཾ་ཐོད་དང་།།
239b7 ཀུ་ལ་ལ་མིའི་རུས་པའི་རྒྱན།། ཀུན་ད་རཾ་འདོད་ཡང་དག་སྦྱོར།། ཙ་རི་རོ་དྲུག་བཟའ་བའོ།། སཾ་པུ་ཏཾ་དབང་པོ་གཉིས་སྦྱོར་བ།། ཨ་ལི་གང་ཡོད་པ་ཡི་མིང་།། ཤང་རིམ་ག་ཀཾ་སྐལ་ཡོད་ཤེས།། ཙི་ཏྲ་ཀཾ་ནི་སྐལ་མེད་ཤེས།།
iiif viewer powered by OpenSeadragon
