| e-texts navigator |
| Wylie |
239a1 བཀའ་བསྒོ་གར་གྱི་སྤྱོད་པ་བྱ།། རྡོ་རྗེ་བཅིང་བས་དེ་ཡང་བྱ།། ལྷ་རྣམས་ཇི་ལྟར་མཉེས་པ་ཉིད།། མའང་སྲིང་མོ་བུ་མོ་འམ།། གལ་ཏེ་མཆོད་པར་འདོད་པ་ན།། ཤེས་རབ་ཐབས་ཀྱི་ཆོ་ག་ཡིས།
239a2 རྟོག་པ་མེད་པར་བསྟན་པར་བྱ།། རང་མཆོག་དེ་ཡིས་དངོས་གྲུབ་ནི།། ཐོད་པར་འདི་ལ་ཐེ་ཙོམ་མེད།། ལྷག་མ་གཏོར་མ་བླངས་ནས་ནི།། དགོན་པ་ཆེན་པོར་སོང་ནས་དོར། བྷྲཱུ~ཾ་ཨུཙྪིཥྞཀྵ་ཏྲ། པཱ་ལཱ་ཡ་སྭཱ་ཧཱ་སྔགས་བརྗོད་བྱ།
239a3 གལ་ཏེ་དེ་ལ་རབ་བྱེད་པའི།། རྣལ་འབྱོར་མ་ནི་སླར་ཡང་མཐོང་།། དེ་ལྟར་དེ་ནི་ཡོངས་ཤེས་ནས།། རྣལ་འབྱོར་པ་ཡི་མཚན་ཉིད་མཆོག། གང་གིས་གདོང་ནི་འབར་བའི་འོད།། ཟླུམ་ཞིང་མཇམ་ལ་མཛེས་པ་དང་།། སྨིན་མ་རིང
239a4 བ་དེ་ཤེས་བྱ།། འོད་དཔག་མེད་ཀྱི་རིགས་ལས་བྱུང་།། དེ་ལ་པདྨའི་ཕྱག་རྒྱ་བསྟན།། རུས་སྦལ་ཕྱག་རྒྱ་ལན་ཡིན་ནོ།། མཆུ་སློ་མིག་དཀྱུས་རིང་བ་དང་།། ཁ་དོག་སེར་པོ་ཡིད་འཕྲོག་པ།། འདི་ཡི་དཔྲལ་བར་ཡི་གེ་གསུམ།།
239a5 ཇི་སྲིད་སྒྲ་མཚམས་བར་དུ་གནས།། གཡུལ་དུ་འཆི་བ་རྣམས་ཀྱིས་ནི།། འཛུམ་དག་ལ་ནི་རྟག་ཏུ་ཉན།། འདི་འདྲའི་མཁའ་འགྲོ་མཐོང་ན་ནི།། མདུང་གི་ཕྱག་རྒྱ་བསྟན་པར་བྱ།། རྐང་པ་གཡོན་པ་བསྐུམ་པ་དང་།། དེ་ཡི་བར
239a6 བྱེད་རབ་ཏུ་སྟོན།། གཡོན་པས་ཡོངས་སུ་བསྐོར་ནས་ནི།། ཕྱག་རྒྱ་ལན་གྱིས་བསྟན་པར་བྱ།། སྣ་ཚོགས་པ་ཡི་གོས་ལའང་དགའ།། རིན་ཆེན་འབྱུང་ལྡན་རིགས་ལས་བྱུང་།། ཁ་དོག་གནག་ཅིང་གོས་ཀྱང་གནག། སྔ་ནི
239a7 འཁྱིལ་ཅིང་དར་གྱིས་བཅིངས།། དཔྲལ་བར་གཞུ་ཡི་རྣམ་པ་ཡིས།། དེ་འདྲའི་མཚན་མ་མཐོང་ནས་ནི།། རྟག་ཏུ་དེ་ནི་སེམས་གཡོ་བ།། མ་མོ་ཞེས་ནི་རབ་ཏུ་གྲགས།། དྲིལ་བུའི་ཕྱག་རྒྱ་བསྟན་པར་བྱ།། དེ་ཡི་གཡོན་པས་ཕྱག
iiif viewer powered by OpenSeadragon
