| e-texts navigator |
| Wylie |
238b1 གིས་ནི།། སྦྱང་དང་སད་དང་རྟོགས་པར་བྱ།། གུར་ཀུམ་ཙན་ལྡན་དཔའ་བོ་དང་།། གངས་དང་རི་དགས་ལྟེ་བ་དང་།། འདི་ནི་དག་བྱེད་བདུད་རྩི་ལྔ།། བཟའ་བ་འདི་རྣམས་རབ་ཏུ་སྤྱོད།། སྦོམ་པོ་མིང་མེད
238b2 སྦྱོར་བ་ཡིས།། དཔའ་བོ་རྣལ་འབྱོར་མ་རིམ་བཞིན།། གང་གིས་ལྕེ་རྩེས་མྱང་བར་བྱ།། པདྨའི་དབུས་སུ་དུས་ཀུན་ཏུ།། ཁ་ལ་སེམས་ནི་རྣམ་པར་བཀོད།། བླ་ན་མེད་པའི་མཆོད་པ་བྱ།། པདྨའི་ལྟེ་བའི་དངུས
238b3 ལ་ནི་དཔའ་བོ་རྣམས་ཀྱི་གདན་དུ་བརྗོད།། དཔའ་བོའི་དོན་གྱིས་མཚན་ཉིད་རྣམས།། གལ་ཏེ་དཔའ་བོ་མི་ཤེས་ན།། དངོས་གྲུབ་ཐམས་ཅད་གསོལ་བ་ཡི།། འཁོར་ལོ་དེ་ཡི་འབྲས་བུ་མེད།། དེ་ལྷའི་རིམ
238b4 པ་ཅུང་ཟད་གང་།། ཕྱི་ནང་བདག་ཉིད་ཡང་དག་སྤྱོད།། དེ་ཅིས་ཡང་དག་དངོས་གྲུབ་འགྱུར།། ཚོགས་ཀྱི་འཁོར་ལོའི་འབྲས་བུ་སྟེར།། རྣལ་འབྱོར་མ་དང་ལྷན་ཅིག་འདྲེས།། རབ་ཏུ་བཤད་ཀྱིས་དེ་ཉོན་ཅིག།
238b5 གདུག་པའི་མཁའ་འགྲོ་མ་འགའ་ཞིག། སེམས་རྟོགས་པ་ཡི་ཕྱིར་འོངས་ནས།། དེ་ལ་དེ་ཚེ་སྨྲ་བ་ཡང་།། སྒྲུབ་པ་པོས་ནི་མི་བྱ་ཞིང་།། ཚིག་ཙམ་གྱིས་ཀྱང་ལན་མི་གདབ།། བདེ་བར་འོངས་སམ་ཕྱག་རྒྱ་བྱ།།
238b6 དེལ་ཅུང་ཟད་བྱ་སྒྲ་གང་།། སློབ་དཔོན་རང་ཉིད་ཀྱིས་ནི་བྱ།། ཡང་ན་བྱ་བ་ཐམས་ཅད་ཀྱི།། ལས་ཀྱི་རྡོ་རྗེ་ཡང་དག་སྤྱད།། གང་ཕྱིར་གང་ཉིད་རྡོ་རྗེ་སེམས།། ལས་ཀྱི་རྡོ་རྗེ་གཞན་འགའ་མེད།། སྣ་ཚོགས་ཀྱི་ནི་རྣལ
238b7 འབྱོར་མ།། ཡང་དང་ཡང་དུ་དགུག་པར་བྱ།། དེ་ལ་གཡོ་བའི་སྤྱོད་པ་མེད།། སློབ་དཔོན་དཔའ་བོ་བཞིན་དུ་སྤྱོད།། གང་ཡང་སྐྱོན་གྱི་སྤྱོད་པ་ནི།། དེ་ཡི་ལུས་ནི་ལྟུང་བར་འགྱུར།། ཤིན་ཏུ་དགའ་བ་ཡང་དག་སྐྱེས།།
iiif viewer powered by OpenSeadragon
