| e-texts navigator |
| Wylie |
238a1 གཞན་ཡང་བསྟན་བཅོས་ལས་གསུངས་པ།། མཚན་བྱེད་ན་ནི་དགུག་པར་བྱ།། སློབ་དཔོན་མགོན་ལ་ཡང་དག་མཆོད།། ཇི་ལྟར་གདན་སྟེངས་བཞུགས་གསོལ་ནས།། གདན་ནི
238a2 རྡོ་རྗེ་སེམས་དཔའ་ཡི།། ཕྱག་རྒྱ་ཆེན་པོ་ཡང་དག་ལྡན།། རྡོ་རྗེ་སློབ་དཔོན་དེ་ཉིད་ཀྱང་།། མཁྱེན་པ་འཁོར་ལོའི་དབུས་ན་བཞུགས།། དཀྱིལ་འཁོར་བ་ནི་གཞན་རྣམས་དང་།། དེ་བཞིན་འཁོར་ལོ་གནས།
238a3 པ་གཞག། དཀྱིལ་འཁོར་པ་བཞིན་ཤེས་པར་བྱ།། ཚོགས་ཀྱི་འཁོར་ལོར་གཏམ་སྨྲ་དང་།། རྩོད་དང་དེ་བཞིན་སྒྲུབ་པ་དང་།། མཆིལ་སྣབས་དོར་ཞིང་དགོད་པ་དང་།། རྐང་པ་ལ་སོགས་རྐྱོང་བ་དང་།།
238a4 ཡང་དང་ཡང་དུ་ལྡང་བ་ནི།། དེ་ལ་དུས་ཀུན་ཏུ་མི་བྱ།། ཕྱག་རྒྱ་བརྡ་ཡི་ཚོགས་རྣམས་ཀྱིས།། བྱ་ཞིང་བྱ་བར་ཤེས་པར་བྱ།། ཤེས་བཞིན་དུ་ནི་གར་དང་གླུ།། ཚོགས་ཀྱི་དཀྱིལ་འཁོར་དུ་མི་བྱ།། གཙོ
238a5 བོ་ལ་ནི་སྣོད་ཀྱི་མཆོག། དུམ་བུ་གཅིག་པ་མཚན་ཉིད་བཟང་།། དེ་མེད་དུམ་བུ་གསུམ་པ་ལ།། མེ་ཏོག་སྣ་ཚོགས་རྣམས་ཀྱིས་མཆོད།། ལྷ་ཡི་ཆང་ལ་སོགས་པ་གང་།། ལེགས་པར་མཉམ་པར
238a6 གཞག་སྟེ་དབུལ།། ཚོགས་རྣམས་ལ་ཡང་སོ་སོར་སྣོད།། མེ་ཏོག་ཚོགས་ཀྱིས་ཡོངས་གང་བ།། ཐོག་མར་གཏོར་མ་ཆེན་པོ་སྦྱིན།། སྔོན་བཞིན་བཟའ་བ་ལ་སོགས་ལྡན།། གང་གིས་དགའ་བ་རྣམས
238a7 ཉམས་པ།། དེ་འདྲ་བཏུང་བར་མི་བྱའོ།། ཡང་དང་ཡང་དུ་ཕྱག་བྱས་ནས།། ཕྱག་རྒྱ་བཅིངས་ནས་བཏུང་བར་བྱ།། དེ་ནས་བཟའ་བ་ཐམས་ཅད་ནི།། སྦྱང་བྱ་སོགས་ཀྱིས་ཡང་དག་སྦྱང་།། ཨོཾ་དང་ཨཱཿདང་ཧཱུཾ
iiif viewer powered by OpenSeadragon
