| e-texts navigator |
| Wylie |
237b1 དྲུག་ཅུ་རྩ་གཅིག་པའོ།། ། དེ་ནས་གཞན་ཡང་བཤད་ཀྱིས་ཉོན།། ཚོགས་ཀྱི་འཁོར་ལོའི་ཆོ་ག་མཆོག། གང་གིས་མཆོད་པ་ལས་བྱུང་བ།། རྒྱལ་སྲས་རྣམས་ཀྱི་དངོས་གྲུབ
237b2 མཆོག། རྣལ་འབྱོར་ཚེ་དང་ལྷན་ཅིག་ཏུ།། སྒྲུབ་པའི་ཕྱིར་ནི་ཡང་དག་གནས།། ཕྱག་རྒྱ་བརྡ་ནི་ཡོངས་ཤེས་ཤིང་།། དེ་དང་དམ་ཚིག་ལ་ནི་འཇུག། དེ་རྣམས་ཚོགས་ནི་རབ་མཆོག་དང་།། ཚོགས་ཀྱི་འཁོར
237b3 ལོ་ཞེས་ནི་བརྗོད།། ཀུན་ཀྱང་དམ་ཚིག་ལ་གནས་པ།། རྟོག་པ་ཐམས་ཅད་རྣམ་པར་སྤངས།། བླ་མ་ལ་དང་དམ་ཚིག་གནས།། གཏོང་སོགས་ཡོན་ཏན་རྣམས་ཀྱིས་བརྒྱན།། ཐབས་ཤེས་བྱ་བ་བགེགས
237b4 མེད་ན།། ཚོགས་ཀྱི་འཁོར་ལོ་ལ་ནི་འཇུག། གཞན་དུ་སྐྱོན་ནི་འབྱུང་འགྱུར་ཏེ།། འཁོར་ལོ་ལ་ཡང་འགྲུབ་མི་འགྱུར།། ཤེས་རབ་ཀྱང་ནི་ཐབས་དང་མཚུངས།། མཛའ་བོ་བཟང་དང་རབ་ཏུ་མཁས།
237b5 ལོ་ནི་ཉི་ཤུ་རྩ་ལྔ་ལོན།། ལྷག་པ་ཡོངས་སུ་སྤངས་ནས་ནི།། ཐབས་དང་སོ་སོར་ཤེས་རབ་དང་།། ཀུན་ལ་གཅིག་ནི་ཕན་ཡོན་མེད།། ཐོག་མ་ཡིད་འོང་ཉམས་དགའ་བར།། མེ་ཏོག་གི་ནི་དཀྱིལ་འཁོར
237b6 བྱ་དེ་ཉིད་སྣ་ཚོགས་མཆོད་པ་ནི།། ལེགས་པར་མཉམ་པར་བཞག་ནས་མཆོད།། གཙོ་བོ་དངོས་པོ་ཀུན་གྱིས་ནི།། རྡོ་རྗེ་སེམས་དཔའ་བཞིན་དུ་མཆོད།། ཚོགས་ཀྱི་མཆོད་པ་བྱས་རྗེས་ལ།། དཀྱིལ
237b7 འཁོར་ལུགས་འབྱུང་ལུགས་བཟློག་པས།། དད་པ་དངོས་པོས་ཀུན་ནས་ནི།། མཉམ་པས་བལྟ་བས་བསྒོམས་ནས་ནི།། བསྟན་བཅོས་ཉམས་མྱོང་འཇིག་རྟེན་དང་།། འགལ་བ་དེ་ནི་གཞུག་མི་བྱ།།
iiif viewer powered by OpenSeadragon
