| e-texts navigator |
| Wylie |
235b1 བཞིན་འོད་གསལ་རྣམ་པའོ།། འདི་སྐད་ལ་སོགས་དང་པོའི་ངག། མཆོག་ཏུ་གསུངས་པའི་དོན་རྒྱས་པ།། གསང་བ་འདུས་པའི་རྩ་བའི་མདོ།། དེ་ཉིད་བཤད་པ་བསྡུས་པ་ནི།། རིམ་པ་ཇི་ལྟ་བ་བཞིན
235b2 ཤེས།། སྒྲུབ་པོའི་དེ་ཉིད་ཤེས་པ་ནི།། ཡེ་ཤེས་མཆོག་གི་མཚན་ཉིད་ཀྱིས།། གང་དུ་གསལ་བར་མ་གསུངས་སོ།། རིམ་པ་འདི་ཡིས་རྣལ་འབྱོར་པས།། དཔལ་ལྡན་འདུས་པ་རྒྱས་བཏབ་པ།། དེ་ལྟར།
235b3 རིམ་པ་འདི་ཡིས་ཤེས།། སེམས་ཅན་ཀུན་ལ་ཕན་བསྐྱེད་པའོ།། རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་འཕྲེང་བའི་མངོན་པར་རྟོགས་པ་ལས། ཨེ་བཾ་མ་ཡཱ་ཞེས་བྱ་བ་དང་པོའི་ངག་བཤད་པའི་ལེའུ
235b4 སྟེ་ལྔ་བཅུ་རྩ་དགུ་པའོ།། ། དེ་ནས་གཞན་ཡང་བཤད་ཀྱིས་ཉོན།། ནང་གི་བདག་ཉིད་སྦྱིན་སྲེག་མཆོག། ནང་དུ་རྒྱུ་བའི་འབྱུང་བ་རྣམས།། གང་གིས་ཐིམ་པར་གྱུར་པ་དང་།། རྣམ
235b5 རྟོག་བག་ཆགས་ས་བོན་ནི།། ཕུང་པོ་ལྔ་ཡི་བུད་ཤིང་དང་།། རྣལ་འབྱོར་ཡེ་ཤེས་ཆེན་པོའི་མེས།། རྟག་ཏུ་སྦྱིན་སྲེག་རྨད་བྱུང་བྱ།། ལྟེ་དབུས་གནས་པའི་སྒྲ་ཙམ་ནི།། སྒྲ་ཙམ་ཕྱི་རོལ་གསང་པདྲ།། དེ་ལ་རང
235b6 རྒྱུད་རླུང་གིས་ནི།། ཡོངས་སུ་བསྐུལ་བའི་མེ་ཡིས་ནི།། དབང་པོ་གཉིས་ནི་ཡང་དག་སྦྱོར།། གཟི་བརྗིད་གསལ་བར་རབ་ཏུ་འབར།། གང་ཚེ་མར་གང་གསང་པདྨ།། དེ་ལ་འདི་ནི་སྣོད་དུ་བརྗོད།། ཧ་ནི་ཐུགས་གཟར
235b7 ཞེས་བྱར་གསུངས།། རྡོ་རྗེ་དགང་གཟར་དུ་ནི་བརྗོད།། བྷ་ག་ཐབ་ཁུང་ཞེས་ནི་བཤད།། དབང་པོ་ལྔ་ཡི་བསྲེག་རྫས་དང་།། ཕུང་པོ་ལམ་ཤིང་དུ་ནི་གྱུར།། མར་ནི་བྱང་ཆུབ་སེམས་སུ་བཤད།། གནམ་སྟོང་ནས
iiif viewer powered by OpenSeadragon
