| e-texts navigator |
| Wylie |
234b1 པར།། ཚིམ་པར་བྱ་ཕྱིར་དབུལ་བར་བྱ།། ཀཱ་སྐུ་གསུམ་དག་ནི་ཐ་དད་པར།། སྐྱོབ་པ་ཡིས་ནི་ཡང་དག་བསྟན།། རྫོགས་པའི་རིམ་གྱིས་སྦྱོར་བ་ཡིས།། གཅིག་ཏུ་ཡང་ནི་འགྱུར་བ་ཡིན།། ཡ། གང་ཞིག
234b2 སངས་རྒྱས་སུ་མཚན་ཉིད།། ཀུན་རྫོབ་བདེན་པར་གསུངས་པ་ནི།། དེ་ཉིད་རྫོགས་རིམ་སྦྱོར་བ་ཡིས།། འོད་གསལ་བར་ནི་རྣམ་དག་འགྱུར།། བཱཀ། ཚིག་གི་ལམ་གྱི་ཡུལ་འདི་ཉིད།། གཙོ་བོ་ཡེ་ཤེས་སུ
234b3 རང་བཞིན།། སེམས་ཅན་རྣམས་ལ་ཕན་པའི་ཕྱིར།། འཇའ་ཚོན་བཞིན་དུ་སྣང་བ་ཡིན།། ཙིཏ། སེམས་དང་སེམས་བྱུང་མ་རིག་པ།། ཤེས་རབ་ཐབས་དང་ཉེར་ཐོབ་དང་།། སྟོང་དང་ཤིན་ཏུ་སྟོང་པ་དང་།
234b4 སྟོང་ཆེན་ཞེས་ཀྱང་རབ་ཏུ་བརྗོད།། ཏ། རང་བཞིན་སྣང་བའི་དབྱེ་ཤེས་ན།། དེ་ནས་སྤྱོད་པ་རབ་ཏུ་བྱ།། ལས་ཀྱི་ལུས་ནི་ཡོངས་སྤངས་ནས།། རྡོ་རྗེ་སྐུ་ཉིད་ཐོབ་པར་འགྱུར།། ཧྲིཾ། ཐུགས་ལ་འཇིག
234b5 རྟེན་པ་རྣམས་ཀྱི།། དོན་སྤྱོད་བཞག་ནས་དེ་བཞིན་གཤེགས།། ཀུན་རྫོབ་ཏུ་ནི་སྤྲུལ་སྐུར་གནས།། ཇི་ལྟ་ཇི་ལྟར་འདོད་པ་སྤྱོད།། ད། ཡིད་བཞིན་ནོར་བུ་མཆོག་བཞིན་དུ།། འདོད་པ་ཐམས་ཅད་སྟེར
234b6 བར་འགྱུར།། སངས་རྒྱས་རྣམས་ཀྱི་ཕུན་ཚོགས་ཀྱང་།། སྟོབས་ཀྱིས་བླངས་ནས་སྤྱོད་པར་འགྱུར།། རྣལ་འབྱོར་དབང་པོ་གང་ཡང་འདོད།། དེ་ནི་སྡེབ་པ་མེད་པར་བྱ།། མཉམ་པར་མ་གནག་རྣལ
234b7 འབྱོར་གྱིས།། རྟག་ཏུ་མཉམ་པར་འཇོག་པར་འགྱུར།། ག་རྡོ་རྗེ་པདྨོ་མཉམ་སྦྱོར་བས།། ཡེ་ཤེས་གསུམ་གྱི་ཆ་རིག་པ།། བློ་མ་གོས་དང་མ་གོས་པ།། དེར་ནི་བདེ་བས་རྟག་ཏུ་གནས།། ཛྲ། སྒྱུ་མ་ལྟ
iiif viewer powered by OpenSeadragon
