| e-texts navigator |
| Wylie |
437b1 འདོད་པ་ཡང་མྱུར་དུ་འབྱུང་།། དེ་ཡང་མངལ་དུ་ཡུན་རིངས་གནས།། རྡོ་རྗེ་མ་ཡིས་ཁྱིམ་ཚིག་ན།། མི་གང་སྔགས་ཀྱི་ཆང་གིས་འཐོར།། མེ་ནི་འཆི་བར་གྱུར་ཏོ་ཞེས།། སྦྱོར་བ་འཇིག་རྟེན།
437b2 དབང་ཕྱུག་གསུངས།། སེམས་ཅན་གང་དག་འཁོར་གནས་དང་།། འཇིག་རྟེན་མགོན་པོས་དེ་སྐད་བསྒྲགས།། རི་ཡི་རྒྱལ་པོ་པོ་ཏ་ལར།། བཅོམ་ལྡན་གཞན་སྡུག་པས་སྡུག་པོ།། སངས་རྒྱས
437b3 གྱུར་ཅི་ཡང་མེད།། སེམས་ཅན་དོན་རྣམས་སྒྲུབ་པའི་ཕྱིར།། སྔར་སྤྱད་མ་ཡིན་ཅི་ཡང་མེད།། ཉམས་པ་སླར་ཡང་གསོ་བར་བསམ།། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག
437b4 གིས་དེ་སྐད་ཅེས་བཀའ་སྩལ་ནས། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུང
437b5 པ་ལ་མངོན་པར་བསྟོད་དོ།། འཕགས་མ་སྒྲོལ་མ་ཀུ་རུ་ཀུལླེའི་རྟོག་པ་རྫོགས་སོ། རྒྱ་གར་གྱི་མཁན་པོ་ཀྲཥྞ་པཎྜི་ཏ་དང་། ལོ་ཙ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་ཅིང་ཞུས
437b6 ཏེ་གཏན་ལ་ཕབ་པ། !། རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ།། ཕྱག་འཚལ་སྒྲོལ་མ་མྱུར་མ་དཔའ་མོ།། སྤྱན་ནི་སྐད་ཅིག་གློག་དང
437b7 འདྲ་མ།། འཇིག་རྟེན་གསུམ་མགོན་ཆུ་སྐྱེས་ཞལ་གྱི།། གེ་སར་ཕྱེ་བ་ལས་ནི་བྱུང་མ།། ཕྱག་འཚལ་སྟོན་ཀའི་ཟླ་བ་ཀུན་ཏུ།། གང་བ་བརྒྱ་ནི་བརྩེགས་པའི་ཞལ་མ།། སྐར་མ་སྟོང་ཕྲག་ཚོགས་པ
iiif viewer powered by OpenSeadragon
