| e-texts navigator |
| Wylie |
5a1 བདག་ལ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། རང་བཞིན་ཐུབ་པ་སྒྲུབ་འདོད་པས།། བླ་མའི་བཀའ་དྲིན་ལེགས་མནོས་ཏེ།། དུ་ཁྲོད་ལ་སོགས།
5a2 ས་ཕྱོགས་སུ།། བར་ཆད་གསུམ་མེད་ཡོན་ཏན་ལྡན།། བརྟགས་པ་ལས་དང་པོ་ཡི་གནས།། གང་ཟག་མཆོག་ལ་བརྟག་ཏུ་མེད།། ཡོན་ཏན་ལྡན་པའི་སར་འཇུག་སྟེ།། བླ་མེད་སེམས་གཟུང་།
5a3 རྣལ་འབྱོར་པས།། སྒོ་གསུམ་ངལ་བའི་ཚད་བརྟག་སྟེ།། བཅིང་བ་གསུམ་ནི་ངེས་བསྒོམས་པས།། སྐྱེ་བ་གཅིག་གིས་འགྲུབ་པར་ངེས།། དབུགས་བཅིང་ཀུན་རྫོབ་སྣ་ནྡེར་ཡིད།། ཡིད་བཅིང་སོར་བཞིའི།
5a4 ནམ་མཁའི་ཁམས།། སེམས་བཅིང་རང་རིག་བསམ་མི་ཁྱབ།། རྒྱུ་རྐྱེན་ལས་ནི་སྣ་ཚོགས་ལས།། སེམས་ཅན་མོས་པ་སྣ་ཚོགས་འབྱུང་།། དེ་དག་བཅིང་གསུམ་དག་པ་ཡིས།། སེམས་ཅན་བཅིངས
5a5 ལས་ངེས་པར་གྲོལ།། བླ་མའི་ནལ་ནས་ཤེས་པར་བྱ།། འདུ་ཤེས་གསུམ་གྱི་ཆ་ལས་གྲོལ།། ཐིག་ལེ་ཆ་གསུམ་ཕྲ་མོ་ནོ།། ཡན་ལག་ལྔ་ལྡན་འབྱུང་བའི་རིམ།། སྒྲ་དང་རང་རིག་རེ་རེར་སྣང་།། སྟོང་ཉིད
5a6 ཐབས་དང་ཤེས་རབ་ཚུལ།། ས་དང་ལམ་སོགས་རིམ་པ་ཀུན།། རང་བཞིན་གྱིས་གནས་མཁས་པས་སྦྱར།། དེ་ནས་སྒྲོལ་མའི་ཚད་བསྟན་ཏེ།། ཚད་ནི་སྤྱི་དང་བྱེ་བྲག་སྟེ།། བརྒྱ་ཕྲག་གཉིས
5a7 དང་བཅུ་གཉིས་དང་།། ཡི་གེ་གསུམ་ལས་ངེས་འབྱུང་བ།། གསང་བ་གཅོད་པའི་དྲུད་ཀྱི་ཚད།། བརྒྱ་ཕྲག་གཅིག་དང་སུམ་ཅུ་ལ།། ཡི་གེ་བཅུ་དགུ་ལས་འབྱུང་པོ།། རིན་ཆེན་འཕྲེང་བའི་ངེས
iiif viewer powered by OpenSeadragon
