| e-texts navigator |
| Wylie |
37a1 པས་ནཱ།། རང་བཞིན་ལྷན་ཅིག་སྐྱེས་པ་དང་།། གཟུགས་སྐུའི་རྒྱུ་རྐྱེན་ལ་སོགས་ལྡན།། ཤྲཱི་ཞེས་བྱ་བར་མངོན་པར་བརྗོད།། དབྱིངས་དང་ཡེ་ཤེས་གཉིས་སུ་མེད།
37a2 དངོས་པོ་རོ་མཉམ་མཐའ་ཡས་པའི།། སེམས་ཀྱི་དེ་ཉིད་ལ་གནས་པའི།། བཞི་པའི་དཔལ་ལྡན་ཧེ་རུ་ཀ། བདུད་རྣམས་ཀུན་ལ་མཐོ་འཚམ་ཞིང་།། ལྷན་ཅིག་སྐྱེས་པའི་དུར་ཁྲོད་རོལ།། མི
37a3 གནས་གསལ་བའི་རང་བཞིན་མེད།། མེ་ལོང་བཞིན་འདྲ་ཆུ་ཟླ་བཞིན།། མཁས་པས་འབད་དེ་འཁྲུལ་པ་སྤང་།། དེ་ལྟར་དོན་ནི་མ་རྟོགས་པར།། ཁ་ཅིག་སྐུ་མདོག་ཕྱག་མཚན་ལ།། ཧེ་རུ་ཀ་ཡི་རྣམ།
37a4 པར་རྟོག། ཁ་ཅིག་གཟུགས་བརྙན་རྣམ་པར་རྟོག། ཁ་ཅིག་རང་གི་ངོ་བོར་འདོད།། དེ་བཞིན་རྩ་དང་རླུང་འདོད་སོགས།། དེ་བཞིན་རང་རིག་ཧེ་རུ་ཀ། བླ་མ་མ་བསྟེན་བརྩོན་འགྲུས་མེད།། རིགས་དང་རིགས
37a5 པའི་ང་རྒྱལ་ཅན།། ཁེ་དང་གྲགས་པ་རྙེད་ལ་དགའ།། རྒྱུ་དེས་ལོག་རྟོག་སྣ་ཚོགས་བསྐྱེད།། དེ་བས་ཧེ་རུ་ཀར་གྲགས་པ།། དངོས་གྲུབ་འདོད་པའི་རྣལ་འབྱོར་པས།། དད་དང་གུས་བཅས་ཕ་རོལ་ཕྱིན།།
37a6 རྫོགས་བྱས་བླ་མ་དམ་པ་ལས།། མན་ངག་ཡང་དག་བླང་བར་བྱ།། མ་མོའི་ཚོགས་ཀྱིས་ཡང་ཞུས་པ།། ཧེ་རུ་ཀ་དཔལ་དེ་ལྟར་ན།། རྡོ་རྗེ་ཕག་མོ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།
37a7 རྡོ་རྗེ་གསུམ་སྟེ་ཕག་མོ་གཉིས།། དོན་གྱི་རྡོ་རྗེ་དེ་ནས་བརྟགས།། ཐ་མརྫས་ཀྱི་རྡོ་རྗེ་སྟེ།། དོན་གྱི་རྡོ་རྗེ་བཞི་པ་སྟེ།། གཟུང་འཛིན་རྣམ་པར་རྟོག་པ་ཡིས།། མི་ཕྱེད་ཕྱིར་ན་རྡོ་རྗེསེ།། དབང་བཞིས་རྡོ་རྗེ་རིརའོ།།
iiif viewer powered by OpenSeadragon
