| e-texts navigator |
| Wylie |
36a1 བཅོམ་ལྡན་འདས་ཀྱིས་བཀའ་སྩལ་པ།། ཤྲཱི་ནི་གཉིས་མེད་ཡེ་ཤེས་ཏེ།། ཧེ་ནི་རྒྱུ་སོགས་རྣམ་པར་སྤངས།། རུ་ནི་ཚོགས་དང་བྲལ་བ་ཉིད།། ཀ་ནི་གང་དུ་མི་གནས།
36a2 སོ།། དེ་ལྟའི་དཔལ་ལྡན་ཧེ་རུ་ཀ། རྟག་ཏུ་ལུས་དང་སེམས་ལ་གནས།། དེ་ཉིད་ལ་ཡང་རྣམ་པ་བཞི།། དབང་བཞིའི་གྲངས་ཀྱི་ངེས་པ་སྟེ།། དང་པོ་བུམ་དབང་ཧེ་རུ་ཀ། སྐུ་དང་ཕྱག་མཚན་སྣང
36a3 བའི་ཚེ།། རང་སེམས་ལས་སུ་རུང་བ་སྟེ།། དེ་ཚེ་འཇིག་རྟེན་ཐ་མལ་པའི།། རྒྱུ་དྲུག་རྐྱེན་བཞི་འབྲས་བུ་བཞི།། སྤངས་པའི་ཕྱིར་ན་ཧེ་ཞེས་བརྗོད།། ལས་དང་ཉོན་མོངས་ཚོགས་དང་བྲལ།། དེ་ཡི།
36a4 ཕྱིར་ན་རུ་ཞེས་བརྗོད།། འཇིག་རྟེན་ཐ་མལ་རྣམ་རྟོག་གི། གཟུང་འཛིན་གང་ཡང་མི་གནས་པའི།། ཕྱིར་ན་ཀ་ཞེས་གསུངས་པའོ།། ཐབས་དང་ཤེས་རབ་ཟུང་འཇུག་པས།། གཟུང་འཛིན་གཉིས
36a5 འགགས་གཉིས་སུ་མེད།། དེ་ཡི་ཕྱིར་ན་ཤཱི་རུ་བརྗོད།། བསྐྱེད་པའི་རིམ་པ་ཧེ་རུ་ཀ། ཕག་མོ་ལ་སོགས་ཚོགས་དང་ལྡན།། ཟག་མེད་རྒྱུ་རྐྱེན་ཀུན་དང་ལྡན།། ཐབས་དང་ཤེས་རབ་གཉིས་ཀྱི་ཚུལ།
36a6 དེ་ནས་གསང་དབང་ཧེ་རུ་ཀ། ཉི་ཟླ་མཚན་མ་ཡིག་འབྲུའི་ཚོགས།། བསྐྱེད་རིམ་རྒྱུ་རྐྱེན་ཀུན་སྤངས་ཏེ།། རླུང་སོགས་ལས་སུ་རུང་བས་ན།། དེ་ཡི་ཕྱིར་ན་ཧེ་ཞེས་བརྗོད།། ཕྱི་ཡི་སྦྱིན་སྲེག་གཏོར་མ་དང་།།
36a7 མཆོད་པ་དཀྱིལ་འཁོར་ལ་སོགས་པའི།། ཚོགས་དང་བྲལ་བའི་ཕྱིར་ན་རུ།། བསྐྱེད་པའི་རྡོ་རྗེ་ཕག་མོ་དང་།། དམིགས་དང་ལྷ་སྤྱོད་གང་ལ་ཡང་།། མི་གནས་ཕྱིར་ན་ཀ་ཞེས་བརྗོད།། བསྐྱེད་པའི་གཟུང་འཛིན
iiif viewer powered by OpenSeadragon
