| e-texts navigator |
| Wylie |
22a1 རྒྱ་གར་གྱི་མཁན་པོ་ག་ཡ་དྷཱ་ར་དང་། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། @རྒྱ་གར་སྐད་དུ། ཤྩ
22a2 ན་ཨ་ལཾ་ཀཱ་ར་ཏནྡ་ར་ཛ། བོད་སྐད་དུ། དཔལ་དུར་ཁྲོད་རྒྱན་གྱི་རྒྱུད་ཀྱི་རྒྱལ་པོ།། དཔལ་བདེ་བ་ཆེན་པོ་ལ་ཕྱག་འཚལ་ལོ།། འཇིགས་བྱེད་ཆེ་ལ་ཕྱག་འཚལ་ཏེ།། ཞབས་ལ་སྤྱི་བོས་ལེགས
22a3 བཏུད་ནས།། དུར་ཁྲོད་གང་ལགས་རྒྱན་གང་ལགས།། རྒྱུད་ན་གང་ལགས་རྒྱལ་པོ་གང་།། བཅོམ་ལྡན་འདས་ཀྱིས་བཀའ་སྩལ་པ།། ལེགས་སོ་རྡོ་རྗེ་སྙིང་པོ་ལེགས།། ལེགས
22a4 པར་ཉོན་ལ་ལེགས་པར་ཟུང་།། དང་པོར་དུར་ཁྲོད་བཤད་བྱ་སྟེ།། དུར་ཁྲོད་སྤྱི་དང་བྱེ་བྲག་གནས།། གཞལ་ཡས་ཁང་གི་ཕྱི་རོལ་ཏེ།། རྡོ་རྗེ་ར་བའི་ནང་རོལ་དུ།། འཇིགས་པ་ཆེན་པོ
22a5 སྤྱི་ཡི་གནས།། བྱེ་བྲག་ཤར་ལ་སོགས་པ་སྟེ།། སྣོད་ཀྱི་ཞེན་པ་བཟློག་པ་ཡང་།། ལྕགས་རི་ནག་པོ་ཚུན་ཆད་དེ།། རྡོ་རྗེ་རབས་དེ་ཉིད་དོ།། ཆེན་པོ་ཁྲུ་ནི་ཉི་ཤུ་སྟེ།། ཆུང་བ་ཁྲུ་གང
22a6 ཚུན་ཆད་དོ།། དེ་ལས་གཞན་པའི་དཀྱིལ་འཁོར་གྱི།། ཚད་ལས་ངེས་པར་བཟླས་པའོ།། རྣམ་ཤེས་ཚོགས་བརྒྱད་རྣམ་རྟོག་བརྒྱད།། མི་མངའི་རྟགས་སུ་དུར་ཁྲོད་བརྒྱད།། ཕྱོགས
22a7 དང་ཕྱོགས་བྲལ་དག་ཏུ་དགོད།། ཚོགས་བརྒྱད་ཡོན་ཏན་བརྒྱད་ལྡན་པའི།། རྟགས་སུ་ཤིང་བརྒྱད་རིམ་པས་དགོད།། དེ་བཞིན་གདུག་པ་བརྒྱད་བཅོམ་པའི།། རྟགས་སུ་ཀླུ་བརྒྱད་རིམ་པས།
iiif viewer powered by OpenSeadragon
