| e-texts navigator |
| Wylie |
18a1 གདོན་བསལ་ཁྲུས་བྱ་རུས་པ་བརྡུང་།། མ་ཉམས་དུམ་བུ་གཅིག་པ་ལ།། དྲི་སོགས་བསྒོས་པའི་ནང་དུ་སྟེ།། དཀྱིལ་འཁོར་ཡོངས་སུ་རྫོགས་པ་ཡི།། སྟེང་དུ་སེང
18a2 གེའི་ཁྲི་དག་ལ།། སེང་གེ་རྒྱལ་ཆེན་འོག་གི་རྒྱན།། སྟེང་ནས་གདུགས་དང་རྒྱལ་མཚན་ཏེ།། གནས་དེར་རུས་པ་བཞག་བྱས་ལ།། མེ་མཆོད་བྱས་ནས་ཞག་ལྔ་རུ།། བསྙེན་པ་བྱས་ཏེ་དྲུག
18a3 པ་ལ། གདུང་ནི་འབྱུང་སྟེ་བདུན་པ་ལ།། ཚ་ཚ་རབ་ཏུ་གནས་པར་བྱ།། དང་པོར་རོ་སྲེག་དུས་སུ་ཡང་།། ཤི་བ་དང་པོ་ནས་བཟུང་སྟེ།། ཞག་ལྔ་རོ་ཡི་བསྙེན་པ་སྟེ།། དྲུག་པ་རོ་ཡི་སྟ
18a4 གོན་ནོ།། བདུན་པ་དུར་ཁྲོད་རབ་ཏུ་གནས།། དང་པོར་སྣང་བ་གཉིས་པར་རོ།། གསུམ་པ་རུས་པ་མྱ་ངན་འདས།། མྱ་ངན་འདས་པ་རྣམ་པ་གསུམ།། གཞན་ལ་མེད་ཅིང་རང་ལ་མེད།།
18a5 དམན་ལ་མེད་ཅིང་དེ་རྗེས་མེད།། ཐབས་སུ་མ་གསུངས་ཤེས་རབ་ཀྱི།། རྩ་རྒྱུད་བཤད་རྒྱུད་ཕྱི་མ་དང་།། ཕྱི་མའི་ཕྱི་མར་མ་གསུངས་པའོ།། མྱ་ངན་འདས་པ་རྣམ་པ་གསུམ།། བདུད་རྩི
18a6 སྒྲོན་མ་ར་ལི་ཡི།། རྒྱུད་དུ་ཁྱོད་ལ་ང་ཡིས་བཤད།། དེ་ནས་ས་ཚའི་རིམ་པ་ཡང་།། སྣང་བ་རྒྱལ་པོ་ལ་སོགས་ལ།། མཐུན་པའི་གཏམ་གྱིས་ས་སོགས་བསླང་།། མི་སྣངས་བདག
18a7 ལ་སོགས་ལ།། གཏོར་མ་མོ་ཡིས་ས་སོགས་བསླང་།། དེ་ནས་སྲུད་པ་རྣམ་ལྔ་ཡང་།། ཕན་པ་རྡོ་རྗེ་ཅན་དང་ཡང་།། གཟི་བརྗིད་གར་དང་རྡོ་རྗེ་རྒྱལ།། སྲད་བུས་ས་གཟུངས་སྦྱང་སོ།
iiif viewer powered by OpenSeadragon
