| e-texts navigator |
| Wylie |
16b1 དགང་གཔ་ལ་སོགས་དེ་བཞིན་ཏེ།། རྒྱས་པ་ལ་སོགས་དེ་དང་འདྲ།། རླུང་འདི་གདང་བྱིཀྱིས་ལེགས་པར་དྲང་།། ཐམས་ཅད་དགའ་ཞིང་མགུ་བར་གྱུར།། དཔལ་རྡོ་རྗེ་མཁའ་འགྲོ་གསང་བའི་རླུད་ཀྱི་རྒྱལ
16b2 པོ་རྫོགས་སོ།། རྒྱ་གར་གྱི་མཁན་པོག་ཡ་དྷཱ་རཱ་དཱང་། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། རྒྱ་ག་གང།
16b3 ཤྲཱི་ཛྭ་ལ་ཨམྦེ་ག་ཧྱ་གནྡ་རཱང་། བོད་སད་དུ། དཔལ་གསང་བ་མེ་འབར་བའི་རྒྱུད་ཀྱི་རྒྱལ་ལོ།། བཅོམ་ལྡན་འདས་བདེ་བ་ཆེན་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོཾམ།
16b4 ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་ཞུགས་སོ།། དེའི་ཚེ་འཁོར་འདུས་པའི་ནང་ནས་རྡོ་རྗེ་ཕག་མོས་གསོལ་པ། རྣལ
16b5 འབྱོར་གང་ལགས་འཕོ་བ་གང་།། འཆི་བ་གང་ལགས་ཤི་བ་གང་།། རེ་ནི་གང་ལགས་རོ་ཆེན་གང་།། དེ་བཞིན་ཤི་བ་ཆེན་པོ་གང་།། ཐལ་བ་གང་ལགས་ཐལ་ཆེན་གང་།། ཚ་ཚ་གང་ལགས་ཚ་ཚ་ཡི།།
16b6 ཆེན་པོ་གང་ལགས་གནས་ནི་གང་།། བཅོམ་ལྡན་འདས་ཀྱིས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། ཐབས་དང་ཤེས་རབ་སེམས་འཇུག་ལ།། རྣལ་འབྱོར་ཞེས་ནི་གསུངས
16b7 པ་ཡིན།། དུས་མིན་ལྷ་ལ་གསོད་པ་སྟེ།། དང་པོར་འཕོ་བའི་རྟགས་དང་ཡང་།། དུས་ཆོད་ངེས་པར་ཤེས་བྱ་སྟེ།། བར་ཆད་མེད་པའི་ཏིང་འཛིན་གྱིས།། འཁྲུལ་འཁོར་བཅས་ཏེ་ཁྱད་པར་གྱི།
iiif viewer powered by OpenSeadragon
