| e-texts navigator |
| Wylie |
14a1 ཉོན་མོངས་སྤྱི་དང་བྱེ་བྲག་སྤོང་།། གཉེན་པོ་ཡིན་པར་ངེས་པ་དང་།། ཉོན་མོངས་སྔ་རྩེ་ཙམ་མི་སྐྱེ།། གཉིས་ནི་གོང་དང་འདྲ་བ་སྟེ།། བཅུ་གཉིས་འདོད་ཆགས་ཆེན་པོ་དག། བཅོམ་ལྡན།
14a2 འདས་སུ་གསུངས་པ་སྟེ།། ཞེ་སྡང་ལ་སོགས་དེ་བཞིན་ནོ།། ཟབ་མོའི་ལྷ་སྤྱོད་མ་རྟོགས་པར།། སྔགས་སྤྱོད་བཟླས་པ་ལ་སོགས་བྱེད།། དེ་དག་ངལ་བ་དོན་མེད་ཡིན།། དེ་དག་བླ་མ་དམ་པ་ལགས།།
14a3 མན་ངག་དམ་པ་བཙལ་བྱ་སྟེ།། འཁྲུལ་པ་དང་ནི་འཁྲུལ་གཞི་ལས།། སད་པར་བྱེད་པའི་ཆོ་ག་ཟང་།། དེའི་ཚེ་རྒྱུད་ཀྱི་དོན་ལ་དགའ་ཞིང་རྗེས་སུ་ཡི་རང་བར་གྱུར་ཏོ།། དཔལ་ཡེ་ཤེས་རྒྱལ་པོ་ཞེས་བྱ་བའི།
14a4 རྒྱུད་ཀྱི་རྒྱལ་པོ་རྫོགས་སོ།། རྒྱ་གར་གྱི་མཁན་པོ་ག་ཡ་ངྒིར་དང་། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །
14a5 རྒྱ་གར་སྐད་དུ། ཤྲཱི་བཛྲ་ཌཱ་ཀི་ནཱི་གུ་ཧྱ་ཏནྟྲ་རཱ་ཛ། བོད་སྐད་དུ། དཔལ་རྡོ་རྗེ་མཁའ་འགྲོ་གསང་བའི་རྒྱུད་ཀྱི་རྒྱལ་པོ།། དཔལ་ཧེ་རུ་ཀ་ལ་ཕྱག་འཚལ་ལོ།། ཀྱེ་ཧོ་མངོན་རྫོགས་མགོན་པོ་ཀྱེ།
14a6 དབང་རྣམས་དམ་པ་ཡོད་དམ་ཅི།། གཙོ་འཁོར་ཁྱད་པར་མེད་དམ་ཅི།། སེམས་ཅན་དང་ནི་སངས་རྒྱས་ལ།། བྱེ་བྲག་ཐ་དད་མེད་དམ་ཅི།། དམ་ཚིག་ཆེ་ཆུང་ཇི་ལྟར་མཆིས།། དེ་ཉམས་བཤགས།
14a7 ཐབས་ཡོད་དམ་ཅི།། བཅོམ་ལྡན་འདས་ཀྱིས་བཀའ་སྩལ་པ།། རྣམ་རྟོག་གཟུང་འཛིན་དགག་པ་དང་།། རང་རིག་ཡེ་ཤེས་ཐུགས་པའི་ཕྱིར།། དབང་རྣམས་སྒྱུ་མ་ཙམ་དུ་ཡོད།། རྣལ་འབྱོར
iiif viewer powered by OpenSeadragon
