| e-texts navigator |
| Wylie |
514a1 དེ་ཉིད་ཡིན་པར་ངེས།། རྩ་དེ་གནས་པའི་རིམ་པ་ཡང་།། འཁོར་ལོ་བ་ཐག་ཁུག་པ་ལས།། གཡས་གཡོན་སྦྲུལ་ལྔར་འཁྲིལ་བ་སྟེ།། ཕྱི་ཡི་གཡས་གཡོན
514a2 གཞུ་ལྟ་བུ།། གསུམ་པའི་དབང་གི་དེ་ཉིད་ཀྱང་།། སིཧླ་ཤེས་རབ་ཆོས་དབྱིངས་ཏེ།། ག་པུར་ཐབས་ཀྱི་ཡེ་ཤེས་བཞི།། རྩ་ནི་འོག་མིན་གནས་ཡིན་ཏེ།། དགའ་བ་མཆོག་དགའ་བྱང་ཆུབ
514a3 ཕྱོགས།། རང་བཞིན་དགའ་བ་ཆོས་སྐུ་སྟེ།། བྲལ་བའི་དགའ་བ་གཟུགས་སྐུ་གཉིས།། བཅུ་དྲུག་སྟོང་པ་བཅུ་དྲུག་གོ།། རྒྱུད་ཀྱི་ཚུལ་དུ་སྒྱུ་མ་ཙམ།། གང་ཞིག་རང་རིག་འདོད་པས་ཀྱང་།།
514a4 དང་པོར་ངོ་བོར་ཤེས་བྱ་སྟེ།། དེ་ནས་དེ་ཉིད་ཤེས་པར་བྱ།། གལ་ཏེ་དེ་ཉིད་མི་ཤེས་པར།། ཟབ་མོའི་ལམ་ཉིད་སྒོམ་བྱེད་ན།། འབྲས་བུ་མེད་ཅིང་རླག་པར་ངེས།། ལྷ་ཡི་དེ་ཉིད་མ
514a5 ཤེས་ན།། དུར་ཁྲོད་གནས་པའི་སྲིན་པོ་འདྲ།། དེ་བཞིན་དུར་ཁྲོད་སྲིན་མོ་འདྲ།། སྤྱོད་པའི་དེ་ཉིད་མ་ཤེས་ན།། གྲོང་ཁྱེར་གནས་པའི་སྨྱོན་པ་འདྲ།། ཁྱི་ཕག་སྲིན་པོ་རཀྵ་འདྲ།། ཕྱག
514a6 མཚན་དེ་ཉིད་མ་ཤེས་ན།། བརྒྱ་བྱིན་ལག་ན་མཚོན་ཐོགས་འདྲ།། ཕྱག་རྒྱའི་དེ་ཉིད་མ་ཤེས་ན།། རྒྱལ་པོ་ཕང་གི་བཙུན་མོ་འདྲ།། རླུང་གི་དེ་ཉིད་མ་ཤེས་ན།། བརྒྱ་བྱིན་སྤྱི་བོའི་དུང
514a7 པ་འདྲ།། རྩ་ཡི་དེ་ཉིད་མ་ཤེས་ན།། ཙན་དན་ཤིང་གི་སྦྲུལ་སོགས་འདྲ།། ལུས་ཀྱི་གཉེར་མ་དག་དང་འདྲ།། ལུས་ཀྱི་དྲི་མ་ཆུ་དང་འདྲ།། ཐིག་ལེའི་དེ་ཉིད་མ་ཤེས་ན།། ཙན་དན་ཤིང
iiif viewer powered by OpenSeadragon
