| e-texts navigator |
| Wylie |
512b1 སྐྱེས་དགའ་གང་ཡིན་པ།། བདེ་བར་རྟོག་པ་རྣམ་རྟོག་སྟེ།། དེ་སྤོང་རབ་གསང་ཡེ་ཤེས་སོ།། དེ་ནས་ཡེ་ཤེས་ཆེན་པོ་བཞི།། དང་པོ་རོ་མཉམ་མཐའ་སྤངས་པའི།། ཡེ་ཤེས
512b2 དེ་ཉིད་ཡོད་པ་ལ།། རྣམ་རྟོག་སྤོང་སྟེ་དེ་བཞིན་འཇོག། དེ་ཉིད་རང་རིག་ཆེན་པོ་སྟེ།། དེ་ཉིད་ཡེ་ཤེས་ཆེན་པོའོ།། དེ་ལྟར་ཤེས་ན་རྡོར་འཛིན་གྱི།། ས་ནི་ངེས་པར་ཐོབ་པའོ།།
512b3 དཔལ་སྟོབས་པོ་ཆེའི་རྒྱུད་ལས། ཡེ་ཤེས་བརྟག་པའི་ལེའུ་སྟེ་བཞི་པའོ།། ། དེ་ནས་ཡེ་ཤེས་ཆེན་པོ་ཡི།། བརྟག་པ་དེ་ཉིད་བཤད་པར་བྱ།། དང་པོར
512b4 རོ་མཉམ་གྱུར་པའོ།། སྟོང་པ་ཉིད་ཀྱི་རོ་མཉམ་ལ།། སྐུ་མདོག་ཕྱག་མཚན་ལ་སོགས་པ།། ཕུང་པོ་ཁམས་དང་སྐྱེ་མཆེད་སོགས།། རྩ་དང་རླུང་དང་ཐིག་ལེ་དང་།། དགའ་དང
512b5 མཆོག་དགའ་བྲལ་བ་དང་།། དེ་ལ་སོགས་པ་ཐམས་ཅད་ཀུན།། སྒྱུ་མ་ཙམ་དུ་ཤེས་པར་བྱ།། དེ་ཉིད་གཞན་རིག་ཅེས་བྱ་སྟེ།། རང་རིག་སེམས་ཀྱི་དེ་ཉིད་ལ།། གཉིས་སུ་མེད་པར
512b6 སྒོམ་པ་ནི། དེ་ཉིད་ཡེ་ཤེས་ཆེན་པོ་སྟེ།། མཐར་ཕྱིན་བརྟག་པ་རྫོགས་པའོ།། དཔལ་སྟོབས་པོ་ཆེའི་རྒྱུད་ལས། ཡེ་ཤེས་ཆེན་པོ་བརྟག་པའི་ལེའུ་སྟེ་ལྔ་པའོ།།
512b7 དེ་ལྟར་བཅོམ་ལྡན་འདས་ཀྱིས་བཀའ་སྩལ་པ་དང་། རྡོ་རྗེ་སྙིང་པོ་ལ་སོགས་པ་དཔའ་བོ་དང་། མཁའ་འགྲོ་མ་དང་། རྣལ་འབྱོར་མ་དང་། མ་མོའི་ཚོགས་ཐམས་ཅད
iiif viewer powered by OpenSeadragon
