| e-texts navigator |
| Wylie |
512a1 ཡ~ཾ་མཐིལ་དུ་གུར་ཀུམ་དག་སྦྱར་ཏེ།། གཡོན་གྱི་སྦོམ་པོ་ཁྲོ་མ་ཡིས།། སྤྱི་བོ་དཔྲལ་བ་རྣ་བ་མིག། སྣ་དང་ཁ་དང་མགྲིན་པ་དང་།། དཔུང་པ་སྙིང་ཀ་ལྟེ་བ་དང་།
512a2 འོག་གི་སྣོད་གཉིས་ཡན་ལག་ལ།། སྔགས་དང་བཅས་ནས་ལེགས་པར་འཚོ།། གཞན་ཡང་སྐུད་པ་སྣ་ལྔ་ལ།། སྔགས་དང་བཅས་ན་སྲུང་བར་འགྱུར།། དཔལ་སྟོབས་པོ་ཆེའི
512a3 རྒྱུད་ལས་སྲུང་བའི་འཁོར་ལོའི་ལེའུ་སྟེ་གསུམ་པའོ།། ། མགོན་པོ་ཐུགས་རྗེ་ཆེ་ལྡན་པ།། དེ་ཉིད་ལ་ནི་ཕྱག་འཚལ་ཏེ།། རྡོ་རྗེ་སྙིང་པོས་ཡང་ཞུས་པ།
512a4 སྲུང་བའི་འཁོར་ལོ་དེ་ལྟར་ནི།། ཡེ་ཤེས་བྱེ་བྲག་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། ཡེ་ཤེས་ཀྱི་ནི་དེ་ཉིད་ཀྱི།། རྟོག་པ་རབ་ཏུ་བཤད་པར་བྱ།། དེ་ལ་ཡེ
512a5 ཤེས་ཀྱི་ནི་གནས།། རྣམ་པ་ལྔ་རུ་ཤེས་བྱ་སྟེ།། ཕྱི་དང་ནང་དང་གསང་བ་དང་།། རབ་ཏུ་གསང་དང་གསང་བ་ཆེ།། ང་ཡིས་བཤད་ཀྱིས་ལེགས་པར་ཉོན།། དེ་ལ་ཕྱི་ཡི་ཡེ་ཤེས
512a6 ནི་སྐུ་མདོག་ཕྱག་མཚན་དང་འབྲེལ་བའོ།། དེ་ལྟར་རྟོགས་པ་ཕྱིའི་ཡེ་ཤེས།། ནང་གི་ཕུང་སོགས་ལྷ་རུ་རྟོགས།། དེ་ཉིད་དང་བྲལ་ཡེ་ཤེས་སོ།། དེ་ནས་གསང་བའི་ཡེ
512a7 ཤེས་ནི།། རྩ་དང་རླུང་དང་ཐིག་ལེར་རྟོགས།། རྟོག་པ་དེ་དང་བྲལ་བ་ནི།། གསང་བའི་ཡེ་ཤེས་ཡིན་པར་བཤད།། དགའ་བ་མཆོག་དང་བྲལ་བའི་དགའ།། ལྷན་ཅིག
iiif viewer powered by OpenSeadragon
