| e-texts navigator |
| Wylie |
511b1 ལྔ་དང་སྨན་ལྔ་དང་།། དེ་ནས་བཞག་སྟེ་རབ་གནས་བྱ།། ཡོངས་སུ་རྫོགས་ནས་བཅིང་བར་བྱ།། གཞན་ཡང་གྲོ་ག་འམ་ཤིང་ཤུན་ནམ།། དུར་ཁྲོད་དག་གི་རོ་རས་ལ།། བསང་དང
511b2 བགེགས་བསྐྲད་ཚུལ་བཞིན་བྱ།། བཟླས་པ་གོང་དང་འདྲ་བ་སྟེ།། དཀྱིལ་འཁོར་ཡོངས་སུ་རྫོགས་གྱུར་ན།། སྔགས་ཀྱང་ཡོངས་སུ་རྫོགས་པར་བྲི།། སྐུ་གསུང་ཐུགས་ཀྱི་འཁོར་ལོ་ཡིས།། ལུས
511b3 ངག་ཡིད་ལ་བསྲུང་བར་བྱ།། ཡོངས་སུ་མ་རྫོགས་ཟུར་དྲུག་ལ།། དཔའ་བོ་དྲུག་གི་སྔགས་བྲིས་ཏེ།། བསྲུང་བྱའི་ལུས་ལ་མཚན་པར་བསྒོམ།། རྩིབས་མཚན་དྲུག་ལ་གཡུང་དྲུང་གི། ཡི་གེ་དྲུག་ནི་བྲིས
511b4 པ་སྟེ། བསྲུང་བྱའི་ལུས་ལ་མཚན་པར་བསྒོམ།། དབུས་སུ་ཡི་གེ་ཀྵ་བྲིས་ཏེ།། བར་ཆད་ཐམས་ཅད་བསལ་བར་བསམ།། ཆོ་ག་ཡོངས་སུ་རྫོགས་བྱ་སྟེ།། བཟོ་བྱས་སྣོད་ནི་ཁ་དོག་སྦྱར།། ལེགས་པར
511b5 སྤང་སྟེ་སྤྱི་བོ་འམ།། མགྲིན་པ་དེ་བཞིན་དཔུང་པ་ཡི།། ཚངས་པའི་བུ་གར་ལོངས་སྤྱོད་མཉམ།། སོར་བཞི་དག་ཏུ་བཅིང་བར་བྱ།། གཞན་ཡང་ནད་པའམ་རྣལ་འབྱོར་པ།། དག་ལ་སྲུང་ན་དང་པོ་ཡང་།
511b6 གདོན་བསལ་བསངས་ཏེ་གནས་གསུམ་དུ།། ཐིག་ལེ་གསུམ་བྱས་སྔགས་གསུམ་དགོད།། གཞན་ཡང་གནས་ནི་སུམ་ཅུ་བདུན།། ཐིག་ལེ་བྱས་ཏེ་སྔགས་རྣམས་དགོད།། དེ་ནས་གོ་ཆ་མཚོན་ཆ
511b7 ཡང་། ཚུལ་བཞིན་མཐུན་པར་ཤེས་པར་བྱ།། དེ་ནས་སྟན་ནམ་མལ་ཆལ།། ཨོཾ་ཨཱཿབཛྲ་རཀྵ་རཀྵ་ཧཱུཾ་ཕཊ། བསྒོམ་མམ་གཞན་ལའང་བྲི་བར་བྱ།། གཞན་ཡང་ལག་པ་གཡས་པ
iiif viewer powered by OpenSeadragon
