| e-texts navigator |
| Wylie |
505a1 དམིགས་པའི་རྐྱེན་ནི་གསང་བའོ།། བདུན་དང་ལྡན་ཕྱིར་ཆེན་པོ་ཡི།། སུམ་ཅུ་རྩ་བདུན་ལ་སོགས་པའི།། གཉེན་པོ་སྟོབས་ཀྱིས་མ་ཞུགས་པ།། སྦས་པ་པདྨ་རྡོ་རྗེ་གཉིས།། སྙོམས
505a2 པར་ཞུགས་ན་འདོད་པ་སྐྱེ།། འདི་ནི་རྐུན་མོ་མ་རུས་པ།། དཔེར་ན་ལྗོན་ཤིང་རྩ་བ་ལས།། ཡལག་མེ་ཏོག་ཐམས་ཅད་སྐྱེས།། ཉོན་མོངས་རྩ་བ་འདོད་རགས་ལ།། དུག་གསུམ་ལ་སོགས་ཐམས་ཅད་དེ།
505a3 སྦས་པའི་གསང་བའི་འཁོར་བ་སྟེ།། གབ་པ་མྱ་ངན་འདས་པར་གསུངས།། འཁོར་བ་མནར་མེད་དམྱལ་བ་དང་།། དུར་ཁྲོད་བརྒྱད་པོ་དྲེགས་པ་ཅན།། སྙིང་རྗེ་མེད་ཅིང་ཤ་ཁྲག་ཟ།། ཤིང་རྟའི་འཁོར་ལོ།
505a4 བཞིན་དུ་གནས།། མྱ་ངན་འདས་པ་སྐུ་གསུམ་ས།། སྐྱོབ་པ་མྱ་ངན་འདས་གྱུར་ཀྱང་།། འཁོར་ལོ་འཁོར་བའི་ཚུལ་དུ་ནི།། ཚོགས་ཀྱི་ཤུགས་ཀྱི་མཐུ་ཡིས་སུ།། སེམས་ཅན་དོན་ལ་ཡང་དག་འཇུག
505a5 ཆོས་སུ་སྤོས་བྲལ་ནམ་མཁའ་བཞིན།། སྐུ་གཉིས་སྤྲིན་དང་ཆར་ལྟ་བུ།། སྐུ་གཉིས་སེམས་ཅན་དོན་མཛད་པ།། སེམས་ཅན་ལས་དང་སྨོན་ལམ་སྟོབས།། དེ་ཡི་སྟོབས་ཀྱིས་སྣང་བ་ལས།། ཡང་དག།
505a6 ཉིད་ལ་སྣང་རྒྱུ་མེད།། སྐུ་གསུང་དེ་ཉིད་བཞི་བཅུའི་དོན།། དུར་ཁྲོད་ལ་སོགས་བརྡ་རུ་ཤེས།། སུམ་ཅུ་རྩ་གཉིས་ཆོས་སྐུའི་བརྡ།། རྒྱན་ནི་གཟུགས་སྐུ་གཉིས་ཀྱི་བརྡ།། གཞན་ཡང་བརྡ་ཡི་བྱེ་བྲག་ནི།། སྒོམ།
505a7 པོ་གསང་བའི་རྡོ་རྗེའི་བརྡ།། ཁྲོ་མོ་གསང་བའི་པདྨའི་བརྡ།། སྐུ་དང་དྲང་བ་ཡོན་ཏན་སྐྱོན།། མཛུབ་མོ་ལེ་རྟེན་མཐེའུ་ཆུང་ནི།། ང་ཡི་གན་དུ་ཚུར་ཤོག་ཡིན།། མཐེ་བོང་ལ་བརྟེན་མཛུབ་མོ་བར།། ཁྱོད་ཀྱི
iiif viewer powered by OpenSeadragon
