| e-texts navigator |
| Wylie |
504b1 བར་སྐྱེ།། ཆེན་པོ་མི་རྟོག་རང་བཞིན་ཏེ།། འབྲས་བུ་གཉིས་མེད་ཡེ་ཤེས་བསྐྱེད།། འདོད་ཆགས་ཞེས་པ་སྤང་བྱ་སྟེ།། དེ་ཡི་ཆེན་པོ་གཉེན་པོར་གསུངས།། འདོད་ཆགས་ཞེས་པ་མེ་ཏོག་སྟེ།། དེ་ཡི་ཆེན་པོ་དྲི།
504b2 དང་འདྲ།། གཞན་ཡང་བྱེ་བྲག་ཤེས་པར་བྱ།། ཞེ་སྡང་ལ་སོགས་གོང་དང་འདྲ།། ཐམས་ཅད་རྟེན་པ་སྐུ་རུ་བསྟན།། བརྗོད་པ་དང་བྲལ་གསུང་དུ་བསྟན།། རྣམ་རྟོག་བྲལ་བ་ཐུགས་སུ་ཤེས།། རྣམ་རྟོག་ཆུང
504b3 ཞིང་གཏོང་ཕོད་ཆེ།། བླ་མ་ལ་གུས་སྙིང་རྗེ་ཆེ།། གཞན་ཡང་བྱེ་བྲག་ཀུན་ཤེས་པ།། འདི་ལ་བསྟན་གྱི་ཀུན་ལ་གསང་།། བླ་མ་ཡོན་ཏན་ཀུན་ལྡན་ཞིང་།། དབང་དང་མན་ངག་འབྲེལ་ཤེས་དང་།། གསང་བའི
504b4 དོན་ལ་མ་རྨོངས་ཤིང་།། ཐུགས་རྗེ་ཆེན་པོ་དང་ལྡན་པས།། ཆོས་ལ་སེར་སྣ་མེད་པ་དང་།། གསལ་ལ་གསོང་པོར་སྨྲ་བ་དང་།། རིགས་བཅས་ཀུན་གྱིས་བཀུར་བ་དང་།། ལས་ཀྱི་ཕྱག་རྒྱ་འཆང་བ་དང་།
504b5 དམ་ཚིག་དང་ལྡན་བླ་མ་སྟེ།། འདི་ལ་བཀུར་གྱི་ཐམས་ཅད་ལ།། བསྙེན་ཅིང་བཀུར་བར་བྱ་བ་མིན།། དེ་ནས་རིན་ཆེན་གསུམ་པ་ནི།། གཉིས་མེད་ལྷན་ཅིག་སྐྱེས་པ་སྟེ།། རྟོག་བྲལ་སྤྲོས་པ་མེད་པ
504b6 ཡིན།། དེ་རྟོགས་རིན་ཆེན་འཕྲེང་བའོ།། ལྷ་མོས་གསོལ་པ་བཅོམ་ལྡན་འདས།། གབ་པ་ཞེས་པ་ཇི་ལྟར་ལགས།། དེ་ཡི་འབྲས་བུ་ཇི་ལྟར་སྨིན།། སྦས་པ་ཞེས་པ་ཇི་ལྟར་ལགས།། དེ་ཡི་འབྲས་བུ་ཇི་ལྟ།
504b7 ལགས།། བཅོམ་ལྡན་འདས་ཀྱིས་བཀའ་སྩལ་པ།། གབ་པ་ཞེས་པ་ཡེ་ཤེས་ཏེ།། སུམ་ཅུ་རྩ་བདུན་སྐུ་གསུང་ཐུགས།། ཆོས་དང་ལོངས་སྤྱོད་སྤྲུལ་སྐུ་གསུང་།། དགའ་བ་བཞི་རུ་མདོར་བསྡུས་པ།
iiif viewer powered by OpenSeadragon
