| e-texts navigator |
| Wylie |
499a1 སངས་རྒྱས་ཀུན་གྱི་ཐུགས་ཀྱི་གསང་།། ཀུན་ཏུ་གསང་ཞེས་དཔྱད་པར་དཀའ།། མིགའི་ཚུལ་གྱིས་རྒྱས་བཏུ་བྱའོ།། དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོ་དང་།
499a2 མཁའ་འགྲོ་མའི་ཚོགས་ཀྱིས་མཆོད་པས་མཆོད་ནས་མི་སྡང་བར་གྱུར་ཏོ།། མཁའ་འགྲོ་མ་དྲ་བའི་སྡོམ་པ་སྐུ་གསུང་ཐུགས་ཀྱི་རྒྱུད་ཀྱི་རྒྱལ་པོ་རྫོགས་སོ།། པཎྜི་ཏ་ག་ཡདྷ་ར་།
499a3 ལོཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། @རྒྱ་གར་སྐད་དུ། ཤྲཱི་རཏྣ་མཱ་ལེ་ཏཱནྟ་རཱ་ཛ། བོད་སྐད་དུ། དཔལ་རིན་ཆེན་འཕྲེང་བའི་རྒྱུད་ཀྱི
499a4 རྒྱལ་པོ།། དཔལ་བདེ་བ་ཆེན་པོ་ལ་ཕྱག་འཚལ་ལོ།། ལྷ་མོས་གསོལ་པ་རྡོ་རྗེ་འཛིན།། དཔལ་ལྡན་འཁོར་ལོ་སྡོམ་པ་རུ།། རིན་ཆེན་འཕྲེང་བའི་དོན་མ་རྟོགས།། ཁྱེད་ཀྱིས་བདག་ལ་བཤད་དུ་གསོལ།
499a5 བཅོམ་ལྡན་འདས་ཀྱིས་བཀའ་སྩལ་པ།། ཉོན་ཅིག་ལྷ་མོ་སྤྱན་བཟང་རིང་།། དཔལ་ལྡན་འཁོར་ལོ་སྡོམ་པ་རུ།། མ་གསུངས་ང་ཡིས་ཁྱོད་ལ་བཤད།། རིན་པོ་ཆེ་ནི་རྣམ་པ་གསུམ།། དེ་ཡི་འཕྲེང་བའང
499a6 རྣམ་པ་གསུམ།། དང་པོ་སྣོད་ཀྱི་རིན་པོ་ཆེ།། གཉིས་པ་བཅུད་ཀྱི་རིན་པོ་ཆེ།། སྣོད་བཅུད་གཉིས་དང་རང་བཞིན་བྲལ།། དེ་ནི་རིན་ཆེན་གསུམ་པ་ཡིན།། ལྷ་མོས་གསོལ་པ་བཅོམ་ལྡན་འདས།། རྣམ་པ་གསུམ་དུ།
499a7 གསུངས་པ་ལས།། དེ་རྣམས་རིན་ཆེན་ཇི་ལྟར་ལགས།། དེ་ཡི་འཕྲེང་བ་ཇི་ལྟར་ལགས།། དེ་རྣམས་སུ་ཡི་སྤྱོད་ཡུལ་ལགས།། བཅོམ་ལྡན་འདས་ཀྱིས་བཀའ་སྩལ་པ།། དང་པོ་སྣོད་ཀྱི་རིན་པོ་ཆེ།། རྣམ་པ་ལྔ།
iiif viewer powered by OpenSeadragon
