| e-texts navigator |
| Wylie |
484b1 རང་རིག་འདོད།། འཁོར་བ་སྤངས་ནས་མྱ་ངན་འདས།། ཁ་ཅིག་འཁོར་བ་མྱ་ངན་འདས།། རིག་པས་བླང་དོར་གཉིས་སུ་རྟོགས།། དེ་ལ་སོགས་པ་ལྔ་བའི་གདོན།། རིག་པ་འཛིན་ལ་བརྒྱ་རྩ་བཅུ།། ཐེག་པ
484b2 མདོ་སྡེ་སྟོང་ཕྲག་གསུམ།། ཉན་ཐོས་རང་རྒྱལ་བརྒྱ་ཕྱག་གཉིས།། ཁྱབ་འཇུག་དྲག་པོ་ལ་སོགས་པ།། ལྟ་བའི་གདོན་ལ་བསམ་མི་ཁྱབ།། རང་རིག་གདོང་ནས་མ་སྐྱེས་པ།། སྟོང་པ་མ་བཅོས་ལྷུན་གྱིས་གྲུབ།།
484b3 བདེ་བ་ཆེན་པོའི་རོས་གང་བ།། ཁམས་གསུམ་འཁོར་བ་ཀུན་ཤེས་ན།། སངས་རྒྱས་ཉིད་ནི་འཁོར་བ་ལ།། འཁོར་བ་ཉིད་ནི་མྱ་ངན་འདས།། ལྟ་བའི་གདོན་དང་བྲལ་བ་སྟེ།། རང་རིག་མེད་ཅིང་གཞན་རིག
484b4 མེད། དོན་དམ་ཀུན་རྫོབ་གཉིས་ཀ་སྤངས།། སེམས་མེད་ནམ་མཁའ་ཆོས་ཉིད་མེད།། འཁྲུལ་པ་མེད་ཅིང་མ་འཁྲུལ་མེད།། ཐེག་པ་མེད་ཅིང་རིམ་པ་མེད།། དམན་དང་གྱ་ནོམ་གཉིས་ཀ་མེད།། ཡེ་ཤེས
484b5 མེད་ཅིང་བདེ་བ་མེད།། མཐའ་བྲལ་དབུ་མར་མི་གནས་པ།། བསམ་མི་ཁྱབ་ཏུ་གནས་པ་སྟེ།། འདི་རྟོགས་ཁོང་དུ་ཆུད་པ་དང་།། མི་འཇིགས་སྒོ་སྐུར་མི་རྩོམ་པ།། རྒྱལ་བའི་སྲས་ཀྱི་ཐུ་བོ་སྟེ།། རྒྱལ་སྲས
484b6 ཀུན་གྱི་ནང་ན་མཆོག། རྡོ་རྗེ་འཛིན་པས་བྱིན་རློབ་ཅིང་།། མཁའ་འགྲོ་ཀུན་གྱི་མཆོད་པའི་གནས།། རིག་འཛིན་ས་ལ་འཇུག་པ་སྟེ།། དེས་ཀྱང་མཉམ་གཞག་འབད་དེ་བསླབ།། རིག་འཛིན་ས་ལ་གནས
484b7 པར་བྱ།། རིག་འཛིན་ས་ལ་གནས་ནས་ཀྱང་།། རྡོ་རྗེ་འཛིན་པའི་ས་ལ་འཇུག་རྡོ་རྗེ་འཛིན་པའི་སར་གནས་ཏེ།། བཅོ་ལྔ་ས་ཡི་བདག་ཉིད་ལས།། སྐུ་གཉིས་གཞན་གྱི་དོན་མཛད་པ།། གཞན་གྱི་ལས
iiif viewer powered by OpenSeadragon
