| e-texts navigator |
| Wylie |
470a1 བདེ་བ་ཁྱད་པར་འཕགས།། བདེ་བ་ཐབས་མེད་ལུས་ཟུངས་ཉམས།། རླུང་མཁྲིས་པད་ཀན་ཀུན་ནུས་སྐྱེ།། ལས་ཀྱི་ཕྱག་རྒྱ་དག་ཏུ་བསྟེན།། ཕྱག་རྒྱམ་བསྙེན་དུ་མཚིག
470a2 ཕྱག་རྒྱ་བསྟེན་པའི་དུས་སུ་ཡང་།། རྣལ་འབྱོར་མིང་སྲིང་བརྡ་ཡིས་མཚོན།། གང་ཞིག་མཛུབ་མོ་སྟོན་པ་ན།། འོངས་སམ་ཞེས་ནི་འདྲི་བ་ཡིན།། སོར་མོ་གཉིས་ནི་སྟོན་པ་དང་།། མཐེ་བོང་དྲང་པོར
470a3 སྟོན་པ་དང་།། དེ་བཞིན་སྲིན་ལག་དྲང་པོར་སྟོན།། རྡོ་རྗེ་བོ་ལ་ཞེས་བྱ་སྟེ།། པདྨ་ཀཀྐོ་ལ་ཞེས་བྱ།། དེ་ལྟར་མ་བྱས་དམ་ཚིག་ཉམས།། བརྡ་ཡི་བྱེ་བྲག་མ་ལུས་པ།། ས~ཾ་པུ་ཊ་རུ་ཤེས་པར་བྱ།། ལྷ་མོས
470a4 གསོལ་པ་བཅོམ་ལྡན་འདས།། རྡོ་རྗེ་པདྨ་དགའ་བའི་གནས།། དེ་རུ་གཟུང་བ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། དེ་རུ་གཟུང་བ་རྣམ་པ་གཉིས།། རབ་ཀྱིས་དབུགས་དང་ཤེས།
470a5 པས་གཟུང་།། དང་པོ་བཙན་ཐབས་སྦྱོར་བས་གཟུང་།། སྦྱོར་བ་རྣམ་པ་བཅུ་རུ་གཟུང་།། གཅིག་ནི་སྦོམ་པོ་ཁྲོ་མོས་གཟུང་།། གཟུང་བའི་བརྟེན་ནི་རྣམ་པ་བཞི།། མན་ངག་ཅན་གྱིས་ཤེས་པར་བྱ།། གལ་ཏེ་དེ་རུ།
470a6 མ་ཡིན་ན།། འཁོར་བར་ལྟུང་བས་རང་གིས་སུ།། ཏིང་ངེ་འཛིན་གྱིས་ཧཾ་ལ་བསྡུ།། ལྕེ་ཡིས་བྱང་ཆུབ་སེམས་བླངས་ལ།། རོ་མའི་འཁོར་ལོ་རུ་ནི་བསྟིམ།། དེ་ལྟར་མ་བྱས་དམ་ཚིག་ཉམས།། ལྷ་མོས་གསོལ།
470a7 པ་བཅོམ་ལྡན་འདས།། ཤེས་རབ་སྦྱོར་ཐབས་འབའ་ཞིག་གིས།། ཐབས་ཀྱིས་བསྐྱོད་པ་འབའ་ཞིག་གིས།། རྣལ་འབྱོར་པ་དང་རྣལ་འབྱོར་མ།། བདེ་བ་ཁྱད་པར་མེད་དམ་ཅི།། བདེ་བའི་ངོ་བོ་ཇི་ལྟར་ལགས།།
iiif viewer powered by OpenSeadragon
