| e-texts navigator |
| Wylie |
320a1 ཡང་དག་པར་སྦྱོར་བ་ནི་ཐབས་དང་ཤེས་རབ་ཀྱི་བདག་ཉིད་ཅན་ནོ།། དེ་ལས་བྱུང་བ་ནི་ཡང་དག་པར་སྦྱོར་བའི་ཏིང་ངེ་འཛིན་ཅེས་བྱ་བའི་དོན་དོ།། འབྱུང་བ་ནི་སྐྱེ་བ་སྟེ།
320a2 དེ་ལྟར་གནས་པ་དང་གཡོ་བའི་དངོས་པོའི་རང་བཞིན་གྱི་བདག་ཉིད་ཅན་དུ་གྱུར་པའོ།། མཚན་ཉིད་ཅེས་བྱ་བ་ནི་འདིས་མཚོན་པར་བྱེད་པའོ།། ཡང་ན་རྒྱུན་ཐམས་ཅད་ཀྱི་གླེང་གཞི་ཡང་དག་པར་སྦྱོར་བ
320a3 ལས་བྱུང་བ་ཞེས་བྱ་བའི་སྒྲས་ནི་རྡོ་རྗེ་སེམས་དཔར་གསུངས་སོ།། གསོང་བ་ཞེས་བྱ་བ་འདི་ནི་མན་ངག་ཅན་གྱི་སྔགས་བཏུ་བ་དང་། དཀྱིལ་འཁོར་གྱི་ལྷ་ལ་སོགས་པའི་མཚན་ཉིད་དོ།། ཐབས
320a4 དང་ཤེས་རབ་བདག་ཉིད་རྒྱུད།། དེ་ནི་ང་ཡིས་བཤད་ཀྱིས་ཉོན།། དང་པོར་སྟོང་ཉིད་བསམས་པས་ནི།། ལུས་ཅན་རྣམས་ཀྱི་དྲི་མ་བཀྲུ།། གཟུགས་ཀྱི་ཁམས་ནི་སྟོང་པ་ཡི།། སྒྲ་ལ་དེ་ཉིད་ཀྱིས་ནི
320a5 བྱང་འདྲི་ཡི་ཁམས་ནི་སྟོང་པ་ཡིས།། རོ་ལ་དེ་ཉིད་ཀྱིས་ནི་བྱ།། རེག་བྱའི་ཁམས་ནི་སྟོང་པ་ཡི།། ཡིད་ལ་དེ་ཉིད་ཀྱིས་ནི་བྱ།། རྡོ་རྗེ་སྙིང་པོས་གསོལ་པ། མིག་གི་རང་བཞིན་སྟོང་པ་ཡི།། ནང་དུ།
320a6 རྣམ་ཤེས་ཇི་ལྟར་ལགས།། རྣ་བའི་རང་བཞིན་སྟོང་པ་ཡི།། ནང་དུ་རྣམ་ཤེས་ཇི་ལྟར་ལགས།། སྣ་ཡི་རང་བཞིན་སྟོང་པ་ཡི།། ནང་དུ་རྣམ་ཤེས་ཇི་ལྟར་ལགས།། ལྕེ་ཡི་རང་བཞིན་སྟོང
320a7 ཡི། ནང་དུ་རྣམ་ཤེས་ཇི་ལྟར་ལགས།། ལུས་ཀྱི་རང་བཞིན་སྟོང་པ་ཡི།། ནང་དུ་རྣམ་ཤེས་ཇི་ལྟར་ལགས།། ཡིད་ཀྱི་རང་བཞིན་སྟོང་པ་ཡི།། དབུས་སུ་རྣམ་ཤེས་ཇི་ལྟར་ལགས།
iiif viewer powered by OpenSeadragon
