| e-texts navigator |
| Wylie |
317b1 མཐོང་ཤིན་ཏུ་ངེས།། སྐྲ་རྩེ་སྟོང་ཕྲག་བརྒྱ་ཡི་ནི།། ཆ་དང་ཆ་རུ་ཡོངས་སུ་བརྟག། ཧེ་རུ་ཀ་དང་མཉམ་སྦྱོར་མ།། ལྷན་ཅིག་བ་གའི་དབུས་གནས་མཐོང་།། འཁོར་ལོ་སྒྱུར་བ་རབ་བརྩོན་པས།།
317b2 ཁྭ་གདོང་མ་ནི་ཕྱི་རོལ་དགོད།། ཧེ་རུ་ཀ་སོགས་བདག་པོ་ཁྱོད།། མཁའ་འགྲོ་བཞི་ཡིས་ཡོངས་སུ་བསྐོར།། ཕན་ཚུན་དུ་ནི་བདག་པོ་བྱེད།། རྡོ་རྗེ་སེམས་སོགས་སྦྱོར་བར་ལྡན།། ཕྱི་རོལ་དུརལོ
317b3 བདག་པོ་དང་།། ཁ་དོག་སྣ་ཚོགས་མཆོག་གི་མཆོག། ཤིང་མཆོག་སྣ་ཚོགས་མཛེས་པ་དང་།། ཁྱི་དང་ལྕེ་སྤྱང་འཇིགས་པ་དང་།། ཁྭ་དང་འུག་པ་བྱ་དཀར་དགོད།། ལྕེ་སྤྱང་དེ་བཞིན་རོ་བསྲེག་ག།
317b4 ཀེང་རུས་གསལ་ཤིང་གིས་ཕུག་པ།། འགེགས་ནས་འཕྱང་དང་ཕྱེད་བསྲེགས་དང་།། ཐོད་པ་སྐམ་པོ་པུས་མོ་དང་།། མགོ་མེད་ལག་པ་ཐོད་པ་དཀར།། རྣམ་པ་སྣ་ཚོགས་སྦྲུལ་གྱིས་མཛེས།
317b5 དྲག་པོའི་སྦྲུལ་དང་དེ་བཞིན་རྔ།། སེང་གེ་ཕག་དང་སྟག་དང་ནི།། དེ་བཞིན་ར་དང་ལུག་དག་དང་།། གླང་པོ་རྟ་དང་བོང་བུ་ཝ།། རྔ་མོ་སྣ་ཚོགས་དམ་ཚིག་མཆོག། རྣམ་པ་སྣ་ཚོགས་ཆང་དང་ནི།
317b6 འབྲུ་ཆང་བཏུང་བའི་མཆོག་རྣམས་ཀྱིས།། དཔའ་བོ་བཟང་པོ་འདུས་པ་དང་།། སྣ་ཚོགས་རྣལ་འབྱོར་མ་མཆོག་རྣམས།། ཐོད་པ་ཁ་ཊྭཱཾ་ག་དག་དང་།། དྲིལ་བུ་ཅང་ཏེའུ་མཆོག་རྣམས་འཛིན།།
317b7 སྣ་ཚོགས་རོལ་མོ་བཟང་པོ་དང་།། བཟའ་བའི་ལོངས་སྤྱོད་རོ་མཆོག་དང་།། སྣ་ཚོགས་འོ་དང་འཁྱུད་པ་དང་།། བཅའ་བ་བལྡག་པའི་མཆོག་རྣམས་ཀྱིས།། རྣམ་པ་དེ་ལྟར་དུར་ཁྲོད་ནི།
iiif viewer powered by OpenSeadragon
