| e-texts navigator |
| Wylie |
385b1 བ་འཐོབ་བྱེད་འཕགས་པའི་ལམ།། ཡན་ལག་བརྒྱད་པ་སུས་བསྒོམས་པ།། དེ་ལ་ཀུན་ཏུ་བདེ་ལེགས་འགྱུར།། འདུ་བྱེད་ཐམས་ཅད་སྟོང་ཉིད་དུ།། གང་གིས་རྟག་ཏུ་རབ་མཐོང་ཞིང་།། དེར།
385b2 ཡང་སེམས་ཅན་གནས་གྱུར་པ།། དེ་ལ་ཀུན་ཏུ་བདེ་ལགས་འགྱུར།། གང་དག་དྲི་མ་མེད་ཆོས་རྣམས།། ལུས་ཀྱིས་མངོན་སུམ་བྱས་ནས་སྤྱོད།། དགྲ་བཅོམ་རྣམ་པར་གྲོལ་སེམས་རྣམས།།
385b3 དེ་དག་རྟག་ཏུ་བདེ་ལེགས་འགྱུར།། གང་ཞིག་འདོད་ཆགས་ཞེ་སྡང་དང་།། མ་རིག་པ་ཡང་རྣམ་སྤངས་དང་།། ཤེས་པ་མི་འཇིགས་སྐྱེས་གྱུར་པ།། དེ་ལ་ཀུན་ཏུ་བདེ་ལེགས་འགྱུར།། ལྷ་དང
385b4 བཅས་པའི་འཇིག་རྟེན་མགོན།། ཡང་སྲིད་ཟད་པའི་སངས་རྒྱས་ཀྱིས།། གང་ལ་ཁོང་དུ་ཆུད་མཛད་པ།། དེ་ལ་ཀུན་ཏུ་བདེ་ལེགས་འགྱུར།། བདེ་ལེགས་སུ་འགྱུར་བའི་ཚིགས་སུ་བཅད་པ
385b5 རྫོགས་སོ།། ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་ལེན་དྲ་བོ་དྷི་དང་། ཞུ་ཆེན་གྱི་ལོ་ཙ་བ་བནྡེ་ཡེ་ཤེས་བསྒྱུར་ཅིང་ཞུས་ཏེ་གཏན་ལ་ཕབ་པ།
385b6 རྒྱ་གར་སྐར་དུ། སྭསྟི་གཱ་ཐ། བོད་སྐད་དུ། བདེ་ལེགས་ཀྱི་ཚིགས་སུ་བཅད་པ། དཀོན་མཆོག་གསུམ་ལ་ཕྱག་འཚལ་ལོ།། ལྷ་ཞིག་ཉེ་བར་འོངས་ནས་སུ།
385b7 ལྷས་མཆོད་པ་ལ་ཞུས་བྱས་ཏེ།། སངས་རྒྱས་ཆེན་པོ་ཐུབ་པ་ཆེན།། ཅི་ཞིག་སྨྲས་ན་བདེ་ལེགས་འགྱུར།། ལྷ་ཡི་ཚིག་དེ་གསན་གྱུར་ནས།། འཇིག་རྟེན་རྩ་ལག་བཀའ་སྩལ་པ།། གང་གིས་རྟག
iiif viewer powered by OpenSeadragon
