| e-texts navigator |
| Wylie |
375b1 བདག་དང་།། དེ་བཞིན་ལྷུན་པོའི་དཔལ་དང་ཉི་མ་སྒྲོན།། དེ་དག་བསོད་ནམས་ཡི་རང་མཁྱེན་པ་ལྟར།། དེ་བཞིན་བདག་ཀྱང་བསོད་ནམས་རྗེས་ཡི་རང་།། ཕྱོགས་བཅུ་དག་ན་སྦྱིན་པ
375b2 སྤྱོད་པ་གང་།། དེ་བཞིན་ཚུལ་ཁྲིམས་ཏིང་འཛིན་སྤྱོད་རྣམས་དང་།། ཤེས་རབ་སྒོམ་དང་བསོད་ནམས་སྟོབས་ཀུན་ལ།། བྱང་ཆུབ་ཡོན་ཏན་དོན་དུ་ཡི་རང་ངོ་།། རྒྱལ་བ་ཀུརན་གྱི་ཡོན་ཏན་མཐའ
375b3 ཡས་དང་།། ཆོས་བསྟན་བྱང་ཆུབ་འཇོག་བགྱིད་ཐམས་ཅད་ལ། བྱང་ཆུབ་ཡོན་ཏན་དོན་དུ་ཡི་རང་ངོ་།། འགྲོ་ཀུན་བྱང་ཆུབ་མཆོག་ལ་རེག་གྱུར་ཅིག། འཇིག་རྟེན་རྒྱལ་བ་གང་བཞུགས
375b4 ཀུན་ལ་བསྐུལ།། ཕྱོགས་བཅུ་དག་ན་བྱང་ཆུབ་རྙེད་པ་གང་།། དེ་དག་ཚངས་བརྒྱས་ཇི་ལྟར་གསོལ་བ་ལྟར།། རྒྱལ་རྣམས་བཞུགས་ཤིང་ཆོས་མཆོག་སྟོན་གྱུར་ཅིག། རྒྱལ་ཀུན་བསྐལ་པ་མང
375b5 པོར་བཞུགས་པར་ཤོག། འགྲོ་ཀུན་བྱང་ཆུབ་མཆོག་ལ་རེག་གྱུར་ཅིག། མི་རྣམས་ཐམས་ཅད་མཆོག་དང་བླ་མེད་པ།། འཇིག་རྟེན་སྒྲོན་མ་བདེ་གཤེགས་མྱུར་གྱུར་ཅིག། སངས་རྒྱས་རྣམས
375b6 ལ་ཕྱག་འཚལ་མཆོད་གང་དང་།། ལས་དགེ་རྣམས་ལ་ཡི་རང་གང་ལགས་དང་།། སྡིག་པའི་ལས་རྣམས་བཤགས་པ་གང་ལགས་དང་། རྒྱལ་བ་རྐང་གཉིས་དབང་རྣམས་མཐོང་གང་དང་།།
375b7 བདག་གིས་དགེ་བ་ཅུང་ཟད་ཅི་བགྱིས་པ།། ལུས་དང་ངག་དང་སེམས་ལས་བྱུང་བའང་རུང་།། བདག་གིས་བགྱིས་དང་བགྱིད་པར་འགྱུར་བ་གང་།། ཐམས་ཅད་སྐྱེ་དགུ་སྨན་སྲད་སྩལ་བར
iiif viewer powered by OpenSeadragon
