| e-texts navigator |
| Wylie |
316b1 དུ་འོང་བ་དང་། བསྙེན་པའི་འོས་སུ་བྱས་ཏེ། རྩེ་བག་མེད་པར་གྱུར་པ་དང་། མཆོད་རྟེན་གྱི་གནས་ལྟ་བུར་གྱུར་པ་དང་། གཙང་བར་གྱུར་པ་དང་། ཡིད་དུ་འོང་བར་གྱུར་པ་དང་། རྟེན་པའི་འོས་སུ་གྱུར་པའི་ཕྱིར།།
316b2 འབྱུང་པོ་དག་གིས་ཤིང་རྣམས་གནས་སུ་བྱས་ཏེ། རྒྱུ་དེས་ན་ཤིང་ཐམས་ཅད་ལ་འབྱུང་པོ་ཡོད་པར་འགྱུར་ཏེ། འབྱུང་པོ་རྣམས་ཀྱིས་དབེན་པར་མ་གྱུར་ཏོ།། ཆོས་ཀྱི་རིག་པའི་སྐབས་བྱ་བ་དང་། དོན་དང་།
316b3 རྒྱུ་དང་། འབྲས་བུ་རྨོངས་པ་ཟློག་པར་བྱེད་པ། བཟང་འགྲོ་ཐོབ་པར་བྱེད་པ། སྡུག་པའི་འབྲས་བུར་འགྱུར་བར་བྱེད་པ། སངས་རྒྱས་དང་། རང་སངས་རྒྱས་དང་། ཉན་ཐོས་ཀྱིས་བརྟགས་པའི་ཆོས་མངོན
316b4 པ་གདགས་པའི་བསྟན་བཅོས་རྒྱུ་གདགས་པ་ལས་ཚིགས་བཅུ་དགུ་པ་རྫོགས་སོ།། ། རྒྱུ་གདགས་པ་རྫོགས་ཏེ་གཉིས་པའོ།། རྒྱ་གར་གྱི་མཁན་པོ་ཛི་ན་མི་ཏྲཱ་དང་། པྲཛྙཱ་ཝརྨ་དང་།
316b5 ཞུ་ཆེན་གྱི་ལོ་ཙ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་བབ་པ།། དགྲ་བཅོམ་པ་དགེ་འདུན་འཕེལ་གྱི་ས་ལུང་བསྟན་པ
316b6 འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱགའི་ཚལ་ལོ།། འདི་སྐད་བདག་གིས་སློབ་དཔོན་གྱིས་བཤད་པ་ཐོས་པ་ན། ཡུལ་འདིའི་གཙུག་ལག་ཁང་བྲུ་ཉ་ཞེས་བྱ་བའི་དགྲ་བཅོམ་པ་དགེ་འདུན་འབྲེལ
316b7 ཞེས་བྱ་བ་གསུམ་རིག་པ། མངོན་པར་ཤེས་པ་ཐོབ་པ། རྣམ་པར་ཐར་པ་བརྒྱད་ལ་བསམ་གཏན་པ་ཞིག། དུས་གཞན་ཞིག་ན། སློབ་མ་ཞིག་དང་ཐབས་ཅིག་ཏུ་དབྱར་ཟླ་བ་གསུམ་འཇིག་ཚོགས་ཀྱི་རི་ཞེས
iiif viewer powered by OpenSeadragon
