| e-texts navigator |
| Wylie |
313b1 ཉལ་བ་དང་། ཉལ་བ་ལ་རྟགས་པ་དང་། ཆུ་ལ་དགའ་བ་དང་། སེར་སྣ་ཆེ་བ་དང་། ཡོ་བྱད་རྣམས་ཀུན་ཏུ་འཛིན་པ་དང་། མི་སྟེར་བའི་རང་བཞིན་ཅན་དེ་དག་ནི། ཉེ་ཞིང་དུ་བས་ཉེ་བར་ཀླུ་དག་གི་ནང་ནས་ཤི
313b2 འཕོས་པ་ཡིན་ཏེ། ཀླུ་དག་གི་ནང་ནས་ཤི་འཕོས་པ་རྣམས་ཀྱི་རྣམ་པ་ནི་དེ་དག་ཡིན་ནོ།། མཚན་མ་ནི་དེ་དག་ཡིན་ནོ།། རྟགས་ནི་དེ་དག་ཡིན་ནོ།། དྲི་ཟ་དག་གི་ནང་ནས་ཤི་འཕོས་པ་རྣམས་ཀྱི་རྣམ་པ་ནི་གང་དག་ཡིན
313b3 མཚན་མ་ནི་གང་དག་ཡིན། རྟགས་ནི་གང་དག་ཡིན་ཞེ་ན། སྨྲས་པ། སེམས་ཅན་གང་དག་གཟུགས་བཟང་ཞིང་བལྟ་ན་སྡུག་ལ་མཛེས་པ་དང་། རོལ་མོ་ལ་སྲེད་པ་དང་། སིལ་སྙན་དང་། ཕེག་རྡོབ་པ་ལ
313b4 སྤྱོད་པ་དང་། རྩོད་མོ་ལ་སྲེད་པ་དང་། དགའ་དགའ་དགུར་སྤྱོད་པ་ལ་སྲེད་པ་དེ་དག་ནི། ཉེ་ཞིང་དུ་བས་ཉེ་བར་དྲི་ཟ་དག་གི་ནང་ནས་ཤི་འཕོས་པ་ཡིན་ཏེ། དྲི་ཟ་དག་གི་ནང་ནས་ཤིའི་བོས་པ་རྣམས་ཀྱི་རྣམ་པ་ནི་དེ
313b5 དག་ཡིན་ནོ།། མཚན་མ་ནི་དེ་དག་ཡིན་ནོ།། རྟགས་ནི་དེ་དག་ཡིན་ནོ།། ཡི་དགས་དག་གི་ནང་ནས་ཤི་འཕོས་པ་རྣམས་ཀྱི་རྣམ་པ་ནི་གང་དག་ཡིན། མཚན་མ་ནི་གང་དག་ཡིན། རྟགས་ནི་གང་དག་ཡིན་ཞེ་ན
313b6 སྨྲས་པ། སེམས་ཅན་གང་དག་སྐེམ་པ་དང་། ངན་པ་ལ་དགའ་བ་དང་། མདོག་ངན་པ་དང་། གསུས་པ་ཆེ་བ་དང་། བྲམ་ཟེར་བ་དང་། སེར་སྣ་ཆེ་བ་དང་། འཇུངས་པ་དང་། ཡོ་བྱད་རྣམས་ཀུན་ཏུ་འཛིན
313b7 པ་དང་། ལག་གིས་ཁ་ཟས་རུལ་བར་བྱེད་པ་དང་། ཁ་ཟས་མང་པོས་ཀྱང་མི་འགྲངས་པ་དེ་དག་ནི་ནི་ཉེ་ཞིང་དུ་བས་ཉེ་བར་མི་དགས་དག་གནིང་ནས་ཤི་འཕོས་པ་ཡིན་ཏེ། ཡི་དགས་དག་གི་ནང་ནས་ན
iiif viewer powered by OpenSeadragon
