| e-texts navigator |
| Wylie |
308a1 པར་གྱུར་ཏོ།། ཅིའི་ཕྱིར་དུག་དྲག་པར་གྱུར་ཅེ་ན། སྤྲས་པ་ཀ་གནོད་སེམས་ཀྱི་ཤས་ཆེ་བའི་ཕྱིར་རོ།། གཞན་ཡང་སེམས་ཅན་གང་དག་དུག་དྲག་པོ་དེ་དག་གི་ནང་ནས་ཉེ་ཞིང་དུ་བས་ཉེ་བར།
308a2 ཤི་འཕོས་པ་རྣམས་ཡིན་ཏེ། དེ་དག་ཀྱང་གང་ཞེ་ན། འདི་ལྟ་སྟེ། སྦྲུལ་དང་། སྡིག་པ་དང་། སྤང་རྒོད་མདུང་གསུམ་པ་དང་། སྤང་རྒོད་མདུང་གསུམ་པ་ཆེན་པོ་དང་། སྲིན་གྱི་མེ་ལ་སོགས་པ་སྟེ། རྒྱུ་དེས་ན་དུག
308a3 དྲག་པོར་འགྱུར་རོ།། ཅིའི་ཕྱིར་དུག་དྲག་པོར་མི་འགྱུར་ཞེ་ན། སྨྲས་པ། གནོད་སེམས་མེད་པའི་ཁམས་ཤས་ཆེ་བའི་ཕྱིར་རོ།། གཞན་ཡང་སེམས་ཅན་གང་དག་དུག་དྲག་པོ་མ་ཡིན་པ་དེ་དག་གི་ནིང་ནས་ཉེ་ཞིང
308a4 དུ་བས་སྡེ་བར་ཤི་འཕོས་པ་རྣམས་ཡིན་ཏེ། དེ་དག་ཀྱང་གང་ཞེ་ན། འདི་ལྟ་སྟེ། དྲང་སྲོང་རྣམས་དང་། རབ་ཏུ་བྱུང་བ་རྣམས་དང་། ཁྱིམ་བདག་རྣམས་དང་། གཟུགས་དང་། གཟུགས་མེད་པ་ན་སྤྱོད་པའི་སྐུ
308a5 རྣམས་ཏེ། རྒྱུ་དེས་ན་དུག་དྲག་པོར་མི་འགྱུར་རོ།། ཅིའི་ཕྱིར་ཆུན་གནས་པའི་སེམས་ཅན་རྣམས་དང་སྐལ་བ་མཉམ་པར་སྐྱེ་བར་འགྱུར་ཞེ་ན། སྨྲས་པ། སེམས་ཅན་གང་དག་སྐོམ་ཞིང་གདུངས་ལ་བསྐམས་ཏེ།།
308a6 ཆུ་འདོད་བཞིན་དུ་འཆི་བ་དེ་དག་ལུས་ཞིག་ནས་ཆུན་གནས་པའི་སེམས་ཅན་རྣམས་དང་སྐལ་བ་མཉམ་པར་སྐྱེ་བར་འགྱུར་རོ།། ཅིའི་ཕྱིར་བྱ་རྣམས་དང་སྐལ་བ་མཉམ་པར་སྐྱེ་བར་འགྱུར་ཞེ་ན། སྨྲས་པ
308a7 སེམས་ཅན་གང་དག་དོག་ཅིང་ཡོངས་སུ་གཟིར་བར་གྱུར་ཏོ།། གོ་སྐབས་ཡངས་པ་འདོད་བཞིན་དུ་འཆི་བ་དེ་དག་ལུས་ཞིག་ནས་བྱ་རྣམས་དང་སྐལ་བ་མཉམ་པར་སྐྱེ་བར་འགྱུར་རོ།། འགྲོ་བ་དེར་སྨིན་པར་འགྱུར།
iiif viewer powered by OpenSeadragon
