| e-texts navigator |
| Wylie |
307a1 ཚོགས་ཀྱི་ནང་དུ་མི་གནས་པའི་ཕྱིར་དེའི་མིང་བ་ལང་ཞེས་བྱ་བར་གྱུར་ཏེ། རྒྱུ་དེས་ན་བ་ལང་རྣམས་ཞེས་བྱའོ།། ཅིའི་ཕྱིར་ཕྱུགས་ཞེས་བྱ་ཞེ་ན། སྨྲས་པ།། སེམས་ཅན་ལས་ཤིན།།
307a2 ཏུགནག་པ་དང་ལྡན་པ་ཞིག་འོད་གསལ་གྱི་ལྷའི་རིས་ནས་ཤི་འཕོས་ནས། འཇིག་རྟེན་གྱི་ཁམས་འདིར་མི་རྣམས་དང་སྐལ་བ་མཉམ་པར་བསྐལ་པ་དང་པོའི་མི་རྣམས་ཀྱི་ནང་དུ་སྐྱེས་ཏེ། དེ་འདིར་སྐྱེས་ནས།
307a3 དཀོན་པའི་གནས་རྣམས་སུ་རྒྱུ་བ་ན། མི་དེ་དག་གིས་གློ་ནས་འཛིན་ཅིང་གྲོ་ནས་འཛིན་པས་ན། མིང་བྱུགས་ཞེས་བཏགས་ཏེ། རྒུ་དེས་ན་མིང་ཕྲུགས་རྣམས་ཞེས་བྱའོ།། ཅིའི་ཕྱིར་གླང་བུ་ཞེས་བྱ་ཞེ་ན།
307a4 སྨྲས་པ།། སེམས་ཅན་ལས་ཤིན་ཏུ་གནག་པ་དང་ལྡན་པ་ཞིག་འོད་གསལ་གྱི་ལྷའི་རིས་ནས་ཤི་འཕོས་ནས། འཇིག་རྟེན་གྱི་ཁམས་འདིར་མི་རྣམས་དང་བསྐལ་བ་མཉམ་པར་བསྐལ་པ་དང་པོའི་མི་རྣམས
307a5 ཀྱི་ནང་དུ་སྐྱེས་ཏེ། དེ་འདིར་སྐྱེས་ནས་ཤིན་ཏུ་སྟོབས་ཆེ་ཞིང་ཁལ་ཁྱེར་བའི་ཕྱིར། མིང་གླང་བུ་གླང་བུ་ཞེས་བྱ་བར་གྱུར་ཏེ། རྒྱུ་དེས་ན་གླང་བུ་རྣམས་ཞེས་བྱའོ།། ཅིའི་ཕྱིར་སེམས་ཅན་ཁ་ཅིག་ནི་རྭའི་སྟོབས
307a6 དང་ལྡན། ཁ་ཅིག་ནི་སྡེར་མོའི་སྟོབས་དང་ལྡན། ཁ་ཅིག་ནི་མཆེ་བའི་སྟོབས་དང་ལྡན་པར་གྱུར་ཅེ་ན། སྨྲས་པ། སེམས་ཅན་གང་དག་སྔོན་མིར་གྱུར་པ་ན། མཚོན་ཆས་བརྒྱན་པ་དང་། མཚོན་ཆ་ལག་ཆར་ཐོགས
307a7 པར་གྱུར་ཏེ། དེ་དག་ཉེས་པར་སྤྱོད་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དེ། ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་རྣམས་སུ་སྐྱེས་ཏེ། དེ་དག་སེམས།
iiif viewer powered by OpenSeadragon
