| e-texts navigator |
| Wylie |
302b1 བར་བྱ་སྟེ། དེ་ལྟར་ན་མི་རྣམས་ལ་སྒོ་ང་ལས་སྐྱེ་བའི་སྐྱེ་གནས་ཡོད་དོ།། མི་རྣམས་ལ་མངལ་ནས་སྐྱེ་བའི་སྐྱེ་གནས་ཇི་ལྟར་ཡོད་ཅེ་ན། སྨྲས་པ་ཀ་ད་ལྟར་གྱི་མི་རྣམས་ཇི་ལྟ་བ་བཞིན་ཏེ། དེ་ལྟར་ན་མི
302b2 རྣམས་ལ་མངལ་ནས་སྐྱེ་བའི་སྐྱེ་གནས་ཡོད་དོ།། མི་རྣམས་ལ་དྲོད་གཤེར་ལས་སྐྱེ་བའི་སྐྱེ་གནས་ཇི་ལྟར་ཡོད་ཅེ་ན། སྨྲས་པ། དཔེར་ན་རྒྱལ་པོ་ཚངས་པས་བྱིན་གྱི་བྲང་ནས་ཐོར་བུ་འདི་ལྟ་སྟག་ཤིང
302b3 བལ་གྱི་འདབ་མ་འམ། རས་བལ་གྱི་འདབ་མ་ལྟ་བུར་འཇམ་ཞིང་ཤིན་ཏུ་འཇམ་ལ་གནོད་པ་ཅུང་ཟད་ཀྱང་མེད་པ་ཞིག་བྱུང་སྟེ། དེ་སྨིན་ཏེ་རྡོལ་བ་ལས་བུ་མོ་གཟུགས་བཟང་ཞིང་བལྟ་ན་སྡུག་ལ་མཛེས་པ
302b4 ཞིག་སྐྱེས་ཏེ། ཕུག་རོན་འཕྲེང་ལྡན་ཞེས་བྱ་བར་གྱུར་ནས། དེ་དུས་གཞན་ཞིག་ན། སྐྱེས་ཤིང་དབང་པོ་རྣམས་ཡོངས་སུ་སྨིན་པར་གྱུར་པ་ན། སྔོན་མ་ཐོས་པར་ཚིགས་སུ་བཅད་པ་འདི་ལྟ་བུ་ཞིག་དྲན་ཏེ།
302b5 སྨྲས་པ། མཚོ་རྣམས་གང་ན་ལྡོག་པར་འགྱུར།། ལས་ནི་གང་དུ་ལྡོག་པར་འགྱུར།། བདེ་དང་སྡུག་བསྔལ་འཇིག་རྟེན་ན།། གང་དུ་མ་ལུས་འགག་པར་འགྱུར།། ཞེས་སྨྲས་སོ།། དེ་ནས་བྲམ་ཟེའི་ཁྱེའུ
302b6 གཙམ་བུ་མུ་ཅོར་སྨྲ་བ་སྤྱི་རྟོལ་ཅར་ཞིག་གིས་བུ་མོ་དེ་ལ་འདི་སྐད་དུ། བུ་མོ་དེ་ནི་ཅིའང་མ་ཡིན་པ་ཞིག་གོ་ཞེས་སྨྲས་པ་དང་། བུ་མོ་དེ་ཅིའང་མེད་པའི་སྐྱེ་མཆེད་ལ་སྙོམས་པར་ཞུགས་པ་ལྟ་བུ་དང་། དཔེར་ན་རྒྱལ
302b7 བོ་གསོ་སྦྱོང་འཕགས་ཀྱི་སྤྱི་བོ་ནས་ཐོར་བུ་འདི་ལྟ་སྟེ། ཤིང་བལ་ལམ། རས་བལ་ལྟ་བུར་འཇམ་ཞིང་ཤིན་ཏུ་འཇམ་ལ་གནོད་པ་ཅུང་ཟད་ཀྱང་མེད་པ་ཞིག་བྱུང་སྟེ། དེ་སྨིན་ཏེ་རྡོལ་བ་ལས་བྱིས་པ་གཟུགས
iiif viewer powered by OpenSeadragon
