| e-texts navigator |
| Wylie |
302a1 རྣམས་ཀྱིས་ཁྲུང་ཁྲུང་གཞོན་ནུ་མ་གཉིས་མཐོང་བ་ལས། གཅིག་ནི་བྲོས། གཅིག་དེ་ནི་དེ་དག་གིས་བཟུང་སྟེ། དེ་དག་དང་ལྷན་ཅིག་ཏུ་འཆོས་ནས། དེ་དག་དང་འཚོས་པའི་རྐྱེན་གྱིས།
302a2 སྒོ་ང་གཉིས་བྱུང་སྟེ། དེ་གཉིས་སྨིན་ཏེ་རྡོལ་བ་ལས། བྱིས་པ་གཟུགས་བཟང་ཞིང་བལྟ་ན་སྡུག་ལ་མཛེས་པ་གཉིས་བྱུང་ནས་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་སྟེ། དེ་གཉིས་ཀྱིས་བརྩོན་པ
302a3 དང་། སྦྱོར་བ་དང་། འབད་པ་བྱས་པས་མཆོག་གི་འབྲས་བུ་དགྲ་བཅོམ་པ་ཉིད་མངོན་སུམ་དུ་བྱས་ཏེ། ཚེ་དང་ལྡན་པ་དེ་གཉིས་རྫུ་འཕྲུལ་ཆེ་ཞིང་མཐུ་ཆེ་བར་གྱུར་ཏོ།། བྲག་དང་ཉེ་བའི་བྲག་ཅེས་བྱ་བ་གྱུར།
302a4 པ་ལྟ་བུ་དང་། དཔེར་ན་རི་དགས་འཛིན་གྱི་མ་ས་ག་ལས་སྒོ་ང་སུམ་ཅུ་རྩ་གཉིས་བྱུང་སྟེ། དེ་དག་སྨིན་ཏེ་རྡོལ་བ་ལ་བྱིས་པ་གཟུགས་བཟང་ཞིང་བལྟ་ན་སྡུག་ལ་མཛེས་པ། ཚན་པོ་ཆེ་ཆེན་པོའི་སྟོབས་དང
302a5 ལྡན་པ་སུམ་ཅུ་རྩ་གཉིས་བྱུང་སྟེ། དེ་དག་གིས་ཉེས་པ་འགའ་ཞིག་བྱས་པའི་ཕྱིར། ཀོ་ས་ལའི་རྒྱལ་པོ་གསལ་རྒྱལ་སྐྲག་པས་བསད་པ་ལྟ་བུ་དང་། དཔེར་ན་འདས་པའི་དུས་ན་ལྔ་ལེན་གྱི་རྒྱལ་པོའི་བཙུན་མོ།
302a6 པདྨ་ཅན་ལས་སྒོ་ང་ལྔ་བརྒྱ་བྱུང་སྟེ། དེ་དག་སྨིན་ཏེ་རྡོལ་བ་ལས་བྱིས་པ་གཟུགས་བཟང་ཞིང་བལྟ་ན་སྡུག་ལ་མཛེས་པ། ཆེན་པོ་ཆེ་ཆེན་པོའི་སྟོབས་དང་ལྡན་པ་ལྔ་བརྒྱ་བྱུང་སྟེ། དེ་དག་འགའ་ཞིག་ལ་ས
302a7 སྐྱོ་བ་སྐྱེས་ནས། སྐྲ་དང་ཁ་སྤུ་བྲེགས་ཏེ་རབ་ཏུ་བྱུང་ནས།། དེ་དག་བརྩོན་པ་དང་། སྦྱོར་བ་དང་། འབད་པས་རང་སངས་རྒྱས་ཀྱི་བྱང་ཆུབ་མངོན་པར་སངས་རྒྱས་པ་ལྟ་བུའོ།། དེ་ལ་སོགས་པ་གཞན་དག་བརྗོད
iiif viewer powered by OpenSeadragon
