| e-texts navigator |
| Wylie |
301a1 ནས། རྣམ་པར་ཤེས་པའི་བར་གང་ཡིན་པ་དེའང་ཡི་དགས་ཀྱི་འགྲོ་བ་ཞེས་བྱའོ།། གཞན་ཡང་སེར་སྣ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས། ཡི་དགས་སུ་འགྲོ་ཞིང
301a2 ཡི་དགས་རྣམས་སུ་སྐྱེ་སྟེ། ཡི་དགས་རྣམས་སུ་ཉིང་མཚམས་སྦྱོར་བ་དེ་ནི། ཡི་དགས་ཀྱི་འགྲོ་བ་ཞེས་བྱའོ།། གཞན་ཡང་མིང་དང་། རྣམ་པའི་ཚིག་དང་། ཚིག་བླ་དགས་ཞེས་བྱ་བ་ནས། སྔ་མ་བཞིན་དུ
301a3 སྦྱར་རོ།། ལྷའི་འགྲོ་བ་གང་ཞེ་ན། སྨྲས་པ། ལྷ་རྣམས་དང་འདྲ་བར་གྱུར་པ་ནས། སྐྱེ་མཆེད་ཐོབ་པའི་བར་དང་། ལྷ་དེས་སྐྱེས་པ་རྣམས་ཀྱི་མ་བསྒྲིབས་ལ་ལུང་དུ་མ་བསྟན་པའི་གཟུགས་ནས
301a4 རྣམ་པར་ཤེས་པའི་བར་གང་ཡིན་པ་དེའང་ལྷའི་འགྲོ་བ་ཞེས་བྱའོ།། གཞན་ཡང་ལུས་ཀྱི་ལེགས་པར་སྤྱོད་པ་དང་། ངག་གི་ལེགས་པར་སྤྱོད་པ་དང་། ཡིད་ཀྱི་ལེགས་པར་སྤྱོད་པ་ཆེན་པོ་ཀུན་ཏུ་བསྟེན་ཅིང
301a5 བསྒོམས་ཏེ་མང་དུ་བྱས་པས་ལྷར་འགྲོ་ཞིང་ལྷ་རྣམས་ཀྱི་ནང་དུ་སྐྱེ་སྟེ། ལྷ་རྣམས་ཀྱི་ནང་དུ་ཉིང་མཚམས་སྦྱོར་བ་དེ་ནི་ལྷའི་འགྲོ་བ་ཞེས་བྱའོ།། གཞན་ཡང་མིང་དང་རྣམ་པའི་ཆོག་ཅེས་བྱ་བ་ནས་། སྔ་མ
301a6 བཞིན་དུ་སྦྱར་རོ།། མིའི་འགྲོ་བ་གང་ཞེ་ན། སྨྲས་པ། མི་རྣམས་དང་འདྲ་བར་གྱུར་པ་དང་། གྲོགས་སུ་གྱུར་པ་དང་། སྐལ་བ་མཉམ་པ་དང་། གནས་ཐོབ་པ་དང་། གཞི་ཐོབ་པ་དང་། སྐྱེ་མཆེད་དང་།
301a7 སྐྱེ་མཆེད་ཐོབ་པ་དང་། མི་འདིར་སྐྱེས་པ་རྣམས་ཀྱིས་མ་བསྒྲིབས་ལ་ལུང་དུ་མ་བསྟན་པའི་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་གང་ཡིན་པ་དེའང
iiif viewer powered by OpenSeadragon
