| e-texts navigator |
| Wylie |
292a1 རྣམས་ཀྱིས་ལུས་ཀྱིས་སྡིག་པ་མི་དགེ་བའི་ལས་ཇི་ལྟ་བུ་བྱས་པ་དང་། ངག་གིས་ཇི་ལྟ་བུ་སྨྲས་པའི་ཉེས་པར་སྤྱད་པ་དེ་དང་། ཡང་དག་པར་བླངས་པ་དེ་ལྟ་བུ་དང་། ཡང་དག་པར
292a2 བཟུང་བ་དེ་ལྟ་བུས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་ལ། དེ་དག་སེམས་ཅན་དམྱལ་བ་རྣམས་ནས་ཤི་འཕོས་ནས་ཀྱང་ལས
292a3 ཀྱི་ལྷག་མ་དེས་རྒྱ་མཚོ་ཆེན་པོའི་ནང་དུ་དུད་འགྲོ་རྣམས་སུ་སྐྱེ་བར་འགྱུར་ཏེ། དེ་དག་དེར་ཁ་དོག་སྣ་ཚོགས་དང་རྟགས་སྣ་ཚོགས་དང་། དབྱིབས་སྣ་ཚོགས་དང་། ཁ་དོག་དུ་མ་དང་། རྟགས་དུ་མ་དང་། དབྱིབས
292a4 དུ་མར་འགྱུར་ཏེ། རྒྱུ་དེས་ན་རྒྱ་མཚོ་ཆེན་པོའི་ནང་ན་སྲོག་ཆགས་ཁ་དོག་སྣ་ཚོགས་དང་། རྟགས་སྣ་ཚོགས་དང་། དབྱིབས་སྣ་ཚོགས་དང་། ཁ་དོག་དུ་མ་དང་། རྟགས་དུ་མ་དང་། དབྱིབས་དུ་མ་ཡོད་དོ།། ཆོས་མངོན།
292a5 པའི་བསྟན་བཅོས་ཆེན་པོ་རྒྱུ་གདགས་པ་ལས་ཚིགས་བཅུ་གཉིས་པའོ།། ། སྡོམ་ནི། གཅིག་ཏུ་གྱུར་དང་གཉིས་མ་ཡིན།། རྩིག་པས་ཆོས་དང་ས་ལ་འཛུལ།། ཆུ་དང་ནམ་མཁའ་ཉི
292a6 ཟླ་དང་།། ཚངས་གནས་འཆག་དང་འགྲེང་འདུག་ཉལ།། དེ་གཅིག་ཏུ་གྱུར་ནས་མང་པོར་འགྱུར་ཞེས་གསུངས་པ་དེ། ཇི་ལྟར་ན་གཅིག་ཏུ་གྱུར་ནས་མང་པོར་འགྱུར་ཞེ་ན། སྨྲས་པ། འདི་ལ་དགེ་སློང་འཇིག་རྟེན
292a7 པའི་ཏིང་ངེ་འཛིན་གང་དང་གང་ལ་ཅི་འདོད་པ་བཞིན་ཐོབ་པ་དང་། དཀའ་བ་མེད་པར་ཐོབ་པ་དང་། ཚེགས་མེད་པར་ཐོབ་པ་དེས་སྐྱེད་ཅིང་བསྣུན་ཏེ། ཡང་དག་པར་སྐྱེད་ཅིང་ཡང་དག་པར་སྒྲུབ་པར་བྱེད་ལ་གསལ
iiif viewer powered by OpenSeadragon
